الماتىدا 19 جاستاعى جىگىتتى پوليسيا قىزمەتكەرلەرى ۇستاعان كەزدە ول ءوزىن يامايكا ازاماتىمىن دەپ تانىستىرعان. الايدا ول وتباسى ىزدەگەن جەرگىلىكتى تۇرعىن بولىپ شىقتى، دەپ حابارلايدى infohub.kz.
الماتى پوليسيا دەپارتامەنتىنىڭ مالىمەتىنشە، قۇجاتى جوق ەر ادامدى ءقابىلداۋ-بولۋ ورنىنا جەتكىزگەن. جەكە باسىن انىقتاۋ كەزىندە ول ءوزىن 19 جاستاعى يامايكا ازاماتىمىن دەپ مالىمدەگەن.
الايدا دەرەكقورلار بويىنشا جۇرگىزىلگەن تەكسەرۋ ونىڭ ءسوزىن راستاماعان. پوليسەيلەر جەكە باسىن انىقتاۋدى جالعاستىرىپ، ونىڭ شىن مانىندە الماتى قالاسىنىڭ الاتاۋ اۋدانىندا تۇراتىن 2003 جىلى تۋعان قازاقستان ازاماتى ەكەنىن انىقتاعان. ەر ادام ىزدەۋدە بولعان — ونى تۋىستارى ىزدەگەن.
پوليسيا قىزمەتكەرلەرى ەر ادامنىڭ اكەسىمەن بايلانىسقا شىعىپ، ول كوپ ۇزاماي ءقابىلداۋ-بولۋ ورنىنا كەلىپ، ۇلىن تانىعان. جىگىتتىڭ پسيحيكالىق اۋرۋى بار ەكەنى بەلگىلى بولعان. بارلىق ءمان-جايلار انىقتالعان سوڭ، ونى اكەسىنە تاپسىرعان.