شىعىس قازاقستان وبلىسىنىڭ التاي قالاسىندا جەكە تۇرعىن ءۇي ورتەنىپ، وتتان ءبىر بالانى امان الىپ قالۋ مۇمكىن بولدى، دەپ حابارلايدى infohub.kz سايتى.
NUR.KZ اگەنتتىگى ءىىم-نىڭ «نوۆوستي ءىىم» Telegram-ارناسىنا سىلتەمە جاساپ حابارلاۋىنشا، ساعات 13:00 شاماسىندا پاترۋلدىك پوليسەيلەر جەكە سەكتور جاقتان قويۋ ءتۇتىن بايقاعان. وقيعا ورنىنا جەتكەن ءتارتىپ ساقشىلارى التاي كوشەسىندەگى ۇيلەردىڭ ءبىرى ورتەنىپ جاتقانىن انىقتادى.
«تەرەزەدەن جىلاپ تۇرعان بالانى كورگەن پوليسيا مايورى ازامات كاناپين ءورت سوندىرۋشىلەردىڭ كەلۋىن كۇتپەي، كومەككە ۇمتىلدى. پاترۋلدىك پوليسيا ۆزۆودىنىڭ كومانديرى پوليسيا كاپيتانى رۋسلان كۋنيازوۆ پەن قىزمەت ينسپەكتورى اعا لەيتەنانت ابزال سماعۇلوۆ سەرىكتەسىنە دەرەۋ كومەككە كەلدى. ولار بىرگە تەرەزەنى سىندىرىپ، سودان كەيىن مايور كاناپين بالانى تۇتىنگە تولى ۇيدەن الىپ شىعىپ، تەز ارادا ءقاۋىپسىز جەرگە الىپ باردى»، — دەپ اڭگىمەلەدى ىشكى ىستەر مينيسترلىگىندە.
سونىمەن قاتار، جاقىن جەردە بولعان كورشى دە جەدەل قىزمەتتەردى ۋاقىتىندا شاقىرىپ، وقيعا ورنىندا پوليسەيلەرگە كومەكتەسكەن.
كوپ ۇزاماي وقيعا ورنىنا ءورت سوندىرۋشىلەر مەن جەدەل جاردەم بريگاداسى كەلگەنى ناقتىلاندى. بالانى مەديسينا قىزمەتكەرلەرىنە تاپسىرىپ، اۋرۋحاناعا جەتكىزدى. ءقازىر ونىڭ ءومىرى مەن دەنساۋلىعىنا ەشقانداي ءقاۋىپ ءتونىپ تۇرعان جوق.