الماتىدا 5 قىركۇيەكتە ورتالىق ستاديوندا الەمگە ايگىلى ءانشى ەنريكە يگلەسياستىڭ كونسەرتى وتەدى. كورەرمەندەرگە قولايلى بولۋ ءۇشىن قالا اكىمدىگى تەگىن شاتتلدار ۇيىمداستىرادى، دەپ حابارلايدى infohub.kz سايتى.
الماتى اكىمدىگىنىڭ مالىمەتىنشە، ءانشىنىڭ ونەر كورسەتكەن كۇنى مەتروپوليتەندى قوسا العاندا، قوعامدىق كولىك ادەتتەگى رەجيمدە جۇمىس ىستەيدى. شوۋ اياقتالعان سوڭ ستاديوننان 50 تەگىن اۆتوبۋس جونەلتىلەدى. ولار اباي داڭعىلى مەن بايتۇرسىنوۆ كوشەسى جاعىنان كورەرمەندەردى كۇتىپ تۇرادى.
شاتتلدار كەلەسى باعىتتار بويىنشا جۇرەدى: اۋەجاي، وربيتا شاعىن اۋدانى، الماتى-1 تەمىرجول ۆوكزالى، رايىمبەك – الاتاۋ مەترو بەكەتى جانە «الماتى ارەنا» مۇز سارايى.
اكىمدىكتىڭ ءباسپاسوز قىزمەتى قوسىمشا باعىتتار كورەرمەندەرگە نەگىزگى كولىك توراپتارى مەن مەگاپوليس اۋداندارىنا تەزىرەك جەتۋگە مۇمكىندىك بەرەتىنىن اتاپ ءوتتى. قالا تۇرعىندارى مەن وڭتۇستىك استانانىڭ قوناقتارىنا ستاديونعا جانە كەرى باعىتتاعى ساپاردى الدىن الا جوسپارلاۋ، مۇمكىندىگىنشە قوعامدىق كولىكتى پايدالانۋ ۇسىنىلادى.
ەسكە سالايىق، ناۋرىز ايىندا ەنريكە يگلەسياس قازاقستاندا ەكى كونسەرت وتەتىنىن مالىمدەگەن بولاتىن: 3 قىركۇيەكتە استانادا جانە 5 قىركۇيەكتە الماتىدا. استاناداعى ونەر كورسەتۋ الدىندا ءانشى استانادان العاشقى كادرلارمەن ءبولىستى، ال جانكۇيەرلەرى ونى اۋەجايدا قارسى الدى. استاناداعى كونسەرتتەن كەيىن قازاقستاندىق تانىمال تۇلعالار ءوز اسەرلەرىمەن ءبولىستى.