قازاقستان استاناسىندا جۇك كولىگىنەن ەكى اككۋمۋلياتور ۇرلادى دەگەن كۇدىكپەن 33 جاستاعى ەر ادام ۇستالدى. وقيعا تاڭەرتەڭ ەرتە بولعان. كۇدىكتى Shacman ماركالى كولىكتىڭ اككۋمۋلياتور بولىگىن اشىپ، م ۇلىكتى ۇرلاپ كەتكەن، دەپ حابارلايدى infohub.kz سايتى.
استانا پوليسيا دەپارتامەنتىندەگىلەردىڭ ايتۋىنشا، كۇدىكتى ساقتىقپەن ارەكەت ەتكەن: ول جۇك كولىگىنە ەكى رەت قايتىپ كەلىپ، ءار جولى ءبىر اككۋمۋلياتوردان الىپ شىققان. ونىڭ ارەكەتتەرى بەينەباقىلاۋ كامەرالارىنا ءتۇسىپ قالعان، بۇل ۇرىنىڭ جەكە باسىن تەز انىقتاۋعا مۇمكىندىك بەرگەن.
پوليسيا مالىمەتىنشە، ۇرلانعان اككۋمۋلياتورلاردى ەر ادام تەحنيكالىق قىزمەت كورسەتۋ ستانسيالارى ارقىلى ساتىپ جىبەرگەن، ال تۇسكەن اقشانى جەكە قاجەتتىلىكتەرىنە جۇمساعان. جالپى شىعىن كولەمى 200 مىڭ تەڭگەنى قۇراعان.
كۇدىكتى استانا اۋماعىندا ۇستالىپ، ۋاقىتشا ۇستاۋ يزولياتورىنا قامالعان. ۇرلىق فاكتىسى بويىنشا سوتقا دەيىنگى تەرگەۋ جۇرگىزىلۋدە.
قۇقىق قورعاۋ ورگاندارى كولىك يەلەرىنە قاۋىپسىزدىك شارالارىن كۇشەيتۋدى جانە م ۇلىكتى قاراۋسىز قالدىرماۋدى ەسكەرتەدى.