استانادا 39 جاستاعى ايەل الاياقتىق بويىنشا قىلمىستىق ىسكە تارتىلدى: تەرگەۋ مالىمەتىنشە، ول بۇرىننان تانىس ايەلدەن پاتەر ساتىپ الۋعا كومەكتەسەمىن دەپ 1،5 ملن تەڭگە العان، دەپ حابارلايدى infohub.kz سايتى.
بۇل تۋرالى استانا قالالىق پوليسيا دەپارتامەنتى Instagram پاراقشاسىندا مالىمدەدى. كۇدىكتىنىڭ جابىرلەنۋشىمەن بۇرىننان تانىس ەكەنى انىقتالدى — ەكەۋى بۇرىن ءبىر قالادا تۇرعان.
«سويلەسۋ بارىسىندا كۇدىكتى قۇرىلىس كومپانيالارىندا تانىستارى بار ەكەنىن، ولار پاتەر الۋعا كومەكتەسە الاتىنىن ايتقان. ۋادەگە سەنگەن جابىرلەنۋشى ايەلگە الدىن الا تولەم رەتىندە 1،5 ملن تەڭگە بەرگەن. سودان كەيىن كۇدىكتى ۇزاق ۋاقىت بويى تۇرعىن ءۇي الۋ ماسەلەسىن شەشەمىن دەپ ۋادە بەرىپ، كەيىن بايلانىسقا شىقپاي قويعان»، — دەدى پوليسيادا.
جەدەل ىزدەستىرۋ ءىس-شارالارى بارىسىندا 39 جاستاعى ايەل تۇرعىلىقتى جەرىندە ۇستالدى. وسى فاكتى بويىنشا قىلمىستىق ءىس قوزعالىپ، سوتقا دەيىنگى تەرگەۋ جۇرگىزىلۋدە.
پوليسيا ازاماتتاردى جىلجىمايتىن م ۇلىك مامىلەلەرىن جاساعاندا ساق بولۋعا، ۇسىنىستاردىڭ شىنايىلىعىن تەكسەرۋگە جانە ءتيىستى قۇجاتسىز ءىرى كولەمدە اقشا بەرمەۋگە شاقىرادى.