4-10 قىركۇيەك ارالىعىندا استانا — قاراعاندى — الماتى رەسپۋبليكالىق اۆتوجولىنىڭ ءبىر بولىگىندە جۇك كولىكتەرىنىڭ قوزعالىسى شەكتەلەدى، دەپ حابارلايدى infohub.kz سايتى.
«كازاۆتوجول» ۇلتتىق جول وپەراتورىنىڭ مالىمەتىنشە، قاسكەلەڭ قالاسى مەن ۇلان اۋىلى ماڭىنداعى 1209-1201-شاقىرىمدار ارالىعىندا جول توسەمىنە ورتاشا جوندەۋ جۇمىستارى جۇرگىزىلۋدە.
وسىعان بايلانىستى 4-10 قىركۇيەك ارالىعىندا كۇن سايىن ساعات 06:00-دەن 19:00-گە دەيىن جۇك كولىكتەرىنىڭ قوزعالىسى ۋاقىتشا شەكتەلەدى. اۋىر جۇك كولىكتەرى ءۇشىن باكاد رەسپۋبليكالىق تراسساسى جانە جەرگىلىكتى جولدار ارقىلى اينالىپ ءوتۋ ۇيىمداستىرىلعان: المالىباك — جامبىل، المالىباك — ۇلان، المالىباك — قوشمامبەت جانە المالىباك — ەلتاي.
جەڭىل كولىكتەر مەن قوعامدىق كولىك جول جيەگىمەن جۇرە الادى.
«كازاۆتوجول» جۇرگىزۋشىلەردى مارشرۋت جوسپارلاۋ كەزىندە ۋاقىتشا قولايسىزدىقتاردى ەسكەرىپ، جول بەلگىلەرى مەن رەتتەۋشىلەردىڭ نۇسقاۋلارىن قاتاڭ ساقتاۋعا شاقىردى.