استانادا بەت-الپەتتى تانۋ فۋنكسياسى بار بەينەباقىلاۋ جۇيەسى حالىقارالىق ىزدەۋدە جۇرگەن ەر ادامدى ۇستاۋعا كومەكتەستى، دەپ حابارلايدى infohub.kz سايتى.
Polisia.kzء-تىڭ حابارلاۋىنشا، بەت-الپەتتى تانۋ فۋنكسياسى بار بەينەباقىلاۋ جۇيەسى ىزدەۋدە جۇرگەن ازاماتتاردى، حابار-وشارسىز كەتكەندەردى، كوشى-قون زاڭناماسىن بۇزۋشىلاردى جانە ەسەپتە تۇرعان باسقا دا ادامداردى جەدەل انىقتاۋعا مۇمكىندىك بەرەدى.
«جۇيە كەسكىندەردى قولدانىستاعى دەرەكقورلارمەن اۆتوماتتى تۇردە سالىستىرادى. ىزدەۋ تەك فوتوسۋرەت بويىنشا عانا ەمەس، سونىمەن قاتار سىرتقى بەلگىلەرى بويىنشا دا جۇرگىزىلۋى مۇمكىن: جىنىسى، جاسى، ساقالىنىڭ، كوزىلدىرىگىنىڭ، ماسكاسىنىڭ نەمەسە باس كيىمىنىڭ بولۋى. سونداي-اق تەحنولوگيا تانىلعان ادامنىڭ قوزعالىس باعىتىن بەينەباقىلاۋ كامەرالارى ارقىلى باقىلاۋعا مۇمكىندىك بەرەدى. سيفرلىق شەشىمنىڭ تيىمدىلىگى ناقتى ناتيجەلەرمەن راستالادى. ماسەلەن، بەينەباقىلاۋ بارىسىندا جۇيە 40 جاستاعى ايەلدى تانىدى. كورنەكى تەكسەرۋ سايكەستىكتى راستادى»، — دەلىنگەن حابارلامادا.
تاعى ءبىر جاعدايدا جۇيە سوتتان جاسىرىنعان 34 جاستاعى ەر ادامدى تانىدى. اقپارات پوليسيا قىزمەتكەرلەرىمەن جەدەل تەكسەرىلدى. جەدەل-ىزدەستىرۋ ءىس-شارالارى بارىسىندا ەر ادام ۇستالدى.
تاعى ءبىر جاعدايدا جۇيە ۇرلىق جاسادى دەگەن كۇدىكپەن حالىقارالىق ىزدەۋدە جۇرگەن 24 جاستاعى ەر ادامدى تانىدى. اقپارات پوليسيا قىزمەتكەرلەرىمەن تەكسەرىلدى، سودان كەيىن ەر ادام ۇستالدى.
«سيفرلىق تەحنولوگيالار ادامدى انىقتاۋدان قاجەتتى شارالاردى قابىلداۋعا دەيىنگى ۋاقىتتى قىسقارتۋعا كومەكتەسەدى، بۇل قۇقىق قورعاۋ ورگاندارىنىڭ جەدەلدىگىن ارتتىرادى»، — دەپ قوستى پوليسيادا.