10 قىركۇيەكتەن 11 قىركۇيەككە قاراعان ءتۇنى استانادا دونورلىق پروسەس بارىسىندا جۇرەك، وكپە جانە باۋىر الىندى. دارىگەرلەر دونورعا قۇرمەت كورسەتىپ، «قۇرمەت ءدالىزىن» جاسادى، دەپ حابارلايدى infohub.kz سايتى.
قازاقستان دەنساۋلىق ساقتاۋ مينيسترلىگى رەسمي Telegram-ارناسىندا ءۇش اعزاسى الىنعان دونورعا قۇرمەت رەتىندە مەديسينا ماماندارى «قۇرمەت ءدالىزىن» جاساعان بەينەنى جاريالادى. الىنعان جۇرەك، وكپە جانە باۋىر كۇتۋ پاراعىندا تۇرعان پاسيەنتتەرگە ترانسپلانتاسيالاۋعا ارنالعانى ناقتىلاندى.
«مۇنداي ءاربىر جاعدايدىڭ ارتىندا دارىگەرلەردىڭ، رەانيماتولوگتاردىڭ، ترانسپلانتولوگتاردىڭ، دونورلىق كوورديناتورلاردىڭ، سانيتارلىق اۆياسيانىڭ جانە باسقا دا كوپتەگەن مامانداردىڭ وراسان زور ەڭبەگى جاتىر. ءبىراق ەڭ باستىسى — وتباسىنىڭ ەڭ اۋىر ساتتە قابىلداعان شەشىمى. دەنساۋلىق ساقتاۋ مينيسترلىگى دونوردىڭ تۋىستارىنا باتىلدىعى مەن ادامگەرشىلىگى ءۇشىن شىن جۇرەكتەن العىس بىلدىرەدى»، — دەلىنگەن ۆەدومستۆو حابارلاماسىندا.
اعىمداعى جىلدىڭ باسىنان بەرى قازاقستاندا 132 ىقتيمال قايتىس بولعاننان كەيىنگى دونور انىقتالىپ، 205 ترانسپلانتاسيا جاسالعانى اتاپ ءوتىلدى.
«2025 جىلى بەتبۇرىس بولدى. ءبىر جىلدا 18 دونورلىق پروسەسس ءوتتى — بۇل وتكەن جىلمەن سالىستىرعاندا ءۇش ەسە كوپ، ال ترانسپلانتاسيا سانى ءۇش ەسەگە جۋىق ءوسىپ، 68-گە جەتتى. سالىستىرۋ ءۇشىن: 2023 جىلى 19 اعزا ترانسپلانتاسيالانعان، 2024 جىلى — 23. 2026 جىل 2025 جىلدىڭ ناتيجەسى ءبىر رەتتىك ورلەۋ بولماعانىن راستاپ وتىر. 11 قىركۇيەكتەگى جاعداي بويىنشا 13 مۋلتياعزالىق دونورلىق پروسەسس وتكىزىلىپ، قايتىس بولعاننان كەيىنگى دونورلاردان 42 ترانسپلانتاسيا جاسالدى: 14 بۇيرەك، 9 باۋىر، 11 جۇرەك، 4 وكپە جانە 4 قاساڭ قابىق»، — دەلىنگەن دەنساۋلىق ساقتاۋ مينيسترلىگىنىڭ حابارلاماسىندا.