استانا پوليسەيلەرى ەسىرتكى زاتتارىن ساقتاپ، تاراتتى دەگەن كۇدىكپەن 26 جاستاعى ەر ادامدى ۇستادى، دەپ حابارلايدى infohub.kz سايتى.
NUR.KZ اگەنتتىگى ىشكى ىستەر مينيسترلىگىنىڭ Polisia.kz مەدياپورتالىنا سىلتەمە جاساپ حابارلاۋىنشا، جەدەل ءىس-شارالار بارىسىندا استانچالىق ەر ادام ەكى تاينيكتەن تىيىم سالىنعان زاتتار سالىنعان 100-دەن استام ورامانى الۋ كەزىندە ۇستالعان. الدىن الا دەرەكتەرگە قاراعاندا، ول ولاردى قالا اۋماعىندا تاراتۋى ءتيىس بولعان.
سونىمەن قاتار، كۇدىكتىنىڭ تۇرعىلىقتى جەرىندە جۇرگىزىلگەن ءتىنتۋ كەزىندە اياق كيىم قورابىنان وزىنە ءتان ءيىسى بار، اق ءتۇستى ۇنتاق ءتارىزدى زاتتار سالىنعان قوسىمشا ورامالار تابىلدى. الدىن الا دەرەكتەر بويىنشا، بۇل زاتتار مەفەدرون مەن الفا-PVP بولىپ شىقتى. ورامالار ءارتۇرلى ءتۇستى يزولەنتامەن ورالعان.
تابىلعاننىڭ بارلىعى تاركىلەندى. وسى فاكتى بويىنشا قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا قامالدى، باسقا دا قاتىسى بار ادامدار انىقتالۋدا.
"ەسىرتكى زاتتارىن ساقتاۋ، وتكىزۋ جانە تاراتۋ قىلمىستىق جاۋاپكەرشىلىككە اكەپ سوعادى. قۇقىق قورعاۋ ورگاندارى ەسىرتكى تاراتۋ ارنالارىن، ونىڭ ىشىندە تاينيك-سالىندىلار ارقىلى انىقتاۋ جانە جولىن كەسۋ بويىنشا تۇراقتى تۇردە شارالار قابىلداپ كەلەدى"، — دەپ ەسكە سالدى ىىم-دە.