قازاقستان استاناسىندا Hyundai Palisade كولىگىنىڭ جۇرگىزۋشىسى بيىلعى جىلى جول قوزعالىسى ەرەجەلەرىن 306 رەت بۇزعان، دەپ حابارلايدى infohub.kz سايتى.
استانا پروكۋراتۋراسىنىڭ مالىمەتىنشە، مونيتورينگ بارىسىندا جول ەرەجەلەرىن جۇيەلى تۇردە ەلەمەيتىن جۇرگىزۋشى انىقتالدى. ونىڭ 169 بۇزۋشىلىعى بەلگىلەنگەن جىلدامدىقتى اسىرۋعا، ال 134 جاعدايدا اۆتوبۋس جولاعىمەن جۇرۋىنە بايلانىستى.
ايتا كەتەيىك، بيىلعى جىلدىڭ 3 مامىرىندا بەينەباقىلاۋ كامەرالارى كولىكتىڭ ۇلى دالا داڭعىلىمەن ساعاتىنا 137 شاقىرىم جىلدامدىقپەن وتكەنىن تىركەگەن.
قوعامدىق قاۋىپتىلىگى مەن بۇزۋشىلىقتاردىڭ جۇيەلىلىگىن ەسكەرە وتىرىپ، سوت جۇرگىزۋشىنىڭ ارەكەتىن ۇساق بۇزاقىلىق دەپ باعالاپ، وعان 10 تاۋلىككە اكىمشىلىك قاماققا الۋ جازاسىن تاعايىندادى.
پروكۋراتۋرادا بۇل تاجىريبە پروكۋراتۋرا مەن پوليسيا ورگاندارىنىڭ سوت تارتىبىندەگى ۇيلەستىرىلگەن جۇمىسى اياسىندا جۇزەگە اسىرىلىپ، جاۋاپكەرشىلىكتىڭ بۇلتارتپاستىعى قاعيداتىن قامتاماسىز ەتۋگە جانە جولدارداعى ءقاۋىپتى مىنەز-ق ۇلىقتىڭ ەڭ اۋىر تۇرلەرىنە جول بەرمەۋگە مۇمكىندىك بەرەتىنىن اتاپ ءوتتى.
جۇرگىزۋشىلەر جول قوزعالىسى ەرەجەلەرىن قاتاڭ ساقتاۋعا شاقىرىلدى.