استانا تۇرعىنى الەۋمەتتىك جەلىدە قورلاعان ايەلىنە ايىپپۇل تولەيدى. امنيستيا زاڭىنىڭ ارقاسىندا نەگىزگى جازا تاعايىندالمادى، دەپ حابارلايدى infohub.kz سايتى.
سوت ءباسپاسوز قىزمەتىنىڭ مالىمەتىنشە، استانادا ل.-عا قاتىستى ۇكىم جاريالاندى. ول ج.-نى قورلادى، ونىڭ ار-نامىسى مەن قادىر-قاسيەتىن تۇسىرەتىن سوزدەر ايتتى دەپ ايىپتالدى.
حابارلامادا: "ايىپتالۋشى ل. الەۋمەتتىك جەلىنى پايدالانىپ، جابىرلەنۋشى ج.-عا ونىڭ ار-نامىسى مەن قادىر-قاسيەتىن تۇسىرەتىن قورلايتىن سوزدەر ايتقان. سوت وتىرىسىندا ل. كىناسىن مويىنداپ، جابىرلەنۋشىدەن كەشىرىم سۇراۋعا دايىن ەكەنىن ءبىلدىردى جانە ازاماتتىق تالاپتى ءىشىنارا مويىندادى. قورلايتىن سوزدەر فاكتىسى بەينەجازبانى پسيحولوگيالىق جانە فيلولوگيالىق زەرتتەۋ ناتيجەلەرى بويىنشا ماماننىڭ قورىتىندىسىمەن راستالادى"، - دەلىنگەن.
جابىرلەنۋشى ج. ايىپتالۋشىنى كەشىرمەيتىنىن مالىمدەپ، وعان زاڭدا كوزدەلگەن جازانى تاعايىنداۋدى سۇرادى، جۇمسالعان شىعىنداردى ءوندىرۋ جانە مورالدىق زياندى وتەۋ تۋرالى ازاماتتىق تالاپتى قولدادى. باپتىڭ سانكسياسى 200 اەك-كە دەيىنگى مولشەردە ايىپپۇل نەمەسە سول مولشەردە تۇزەۋ جۇمىستارى نە 180 ساعاتقا دەيىنگى مەرزىمگە قوعامدىق جۇمىستارعا تارتۋ تۇرىندەگى جازانى كوزدەيدى.
سوت ل.-عا 30 اەك مولشەرىندە ايىپپۇل تاعايىندادى، بۇل 129 750 تەڭگەنى قۇرايدى. "ق ر جاڭا كونستيتۋسياسىنىڭ قابىلدانۋىنا بايلانىستى امنيستيا تۋرالى" زاڭىنىڭ ارقاسىندا ايىپتالۋشى نەگىزگى جازادان بوساتىلدى.