استانا ورتالىعىندا جول وقيعاسى جەرگىلىكتى تۇرعىن ءۇشىن جاعىمسىز جاعدايعا اينالدى: قۇدىق قاقپاعىنا تاپ بولعان كولىك قاتتى زاقىمداندى. بۇل تۋرالى كولىك يەسى زارينا تاجيباەۆا Instagram پاراقشاسىندا بەينەجازبا جاريالاپ، حابارلادى، دەپ جازادى infohub.kz سايتى.
«مۇنداي جاعدايعا العاش رەت تاپ بولىپ وتىرمىن، سىزدەردى ساقتاندىرعىم كەلەدى، ەشكىم دە مۇندايدان ساقتانباعان. ءبىز ءوز جولاعىمىزبەن تىنىش كەلە جاتىپ، جابىق ليۋككە تاپ بولىپ، وسىنداي زارداپ شەكتىك»، — دەدى ول. ول كولىكتىڭ جاقىندا عانا ساتىپ الىنعانىن ەرەكشە اتاپ ءوتتى.
وقيعاعا استانا قالاسى اكىمدىگىنىڭ قالالىق مونيتورينگ جانە جەدەل دەن قويۋ ورتالىعى جاۋاپ بەردى. وندا بىلاي دەلىنگەن: «جوعارىدا اتالعان مەكەنجايدا قۇدىق بريگادا كەلگەنگە دەيىن جابىلعان بولاتىن. قازىرگى تاڭدا قۇدىق جابىق، ءقاۋىپ توندىرمەيدى، كولىك قوزعالىسىنا كەدەرگى كەلتىرمەيدى». ماتەريالدىق شىعىندى وتەۋ ماسەلەسى بويىنشا ۆەدومستۆو سوتقا جۇگىنۋگە كەڭەس بەردى.
استانا پوليسەيلەرى دە وقيعاعا ءوز باعاسىن بەردى. «LYNK-CO 900 ماركالى كولىك جۇرگىزۋشىسى تۇركىستان كوشەسىمەن كەلە جاتىپ، قۇدىق قاقپاعىنا تاپ بولدى. ليۋك قاقپاعىنىڭ جىلجۋى (سىرىلۋى) سالدارىنان كولىككە مەحانيكالىق زاقىم كەلتىرىلدى»، — دەدى پوليسيادا. وندا وقيعا فاكتىسى بەلگىلەنگەن تارتىپپەن تىركەلىپ، پروسەستىك شەشىم قابىلداۋ ءۇشىن تەكسەرۋ شارالارى جۇرگىزىلىپ جاتقانىن قوستى.