استانادا قايعىلى وقيعا بولدى: وتباسىلىق جانجال كەزىندە ەرلى-زايىپتىنىڭ ەكەۋى دە قازا تاپتى. كورشىلەردىڭ ايتۋىنشا، وقيعاعا 12 جانە 14 جاستاعى ەكى بالا كۋا بولعان. بۇل تۋرالى infohub.kz سايتى حابارلايدى.
NUR.KZ ءتىلشىسىنىڭ مالىمەتىنشە، وقيعا «شىعىس» تۇرعىن ءۇي كەشەنىندە بولعان. «كريمينالنىي كازاحستان» پابليگىنىڭ دەرەگىنشە، 55 جاستاعى ەر ادام جانجال بارىسىندا 53 جاستاعى ايەلىنە پىشاق جاراقاتىن سالىپ، كەيىن وزىنە دە پىشاق جاراقاتىن سالعان. العان جاراقاتتارىنان ەكەۋى دە وقيعا ورنىندا كوز جۇمدى.
«كورشىلەردىڭ ايتۋىنشا، بولعان وقيعا 12 جانە 14 جاستاعى ەكى بالانىڭ كوزىنشە بولدى»، — دەلىنگەن جاريالانىمدا.
NUR.KZ ءتىلشىسى استانا قالالىق پوليسيا دەپارتامەنتىنە سۇراۋ جولدادى. ۆەدومستۆو اقپاراتتى راستادى.
«كىسى ءولتىرۋ جانە سۋيسيد فاكتىسى بويىنشا قىلمىستىق ءىس قوزعالدى. ەرلى-زايىپتىلار اراسىنداعى جانجال كەزىندە 55 جاستاعى ەر ادام 53 جاستاعى ايەلىنە پىشاق جاراقاتىن سالىپ، كەيىن وزىنە دە پىشاق جاراقاتىن سالعانى انىقتالدى. العان جاراقاتتارىنان ەكەۋى دە وقيعا ورنىندا كوز جۇمدى»، — دەلىنگەن حابارلامادا.
قازىرگى تاڭدا بولعان وقيعانىڭ بارلىق سەبەپتەرى مەن ءمان-جايىن انىقتاۋعا باعىتتالعان جان-جاقتى تەرگەۋ جۇرگىزىلىپ جاتقانى اتاپ ءوتىلدى.
«ق ر قپك-نىڭ 201-بابىنا سايكەس وزگە اقپارات جاريالاۋعا جاتپايدى»، — دەپ قوستى پوليسيا.