استانادا جۇرگەن تۇركيا ازاماتى كۇننەن قورعايتىن كوزىلدىرىگىنىڭ جوعالعانىن بايقاپ، پوليسيا قىزمەتكەرلەرىنە جۇگىنگەن، دەپ حابارلايدى infohub.kz.
ءىىم مەدياپورتالىنىڭ مالىمەتىنشە، شەتەلدىك قوناقۇيدە قۇنى شامامەن 300 دوللار (شامامەن 140 مىڭ تەڭگە) تۇراتىن كوزىلدىرىگىنىڭ جوعالعانىن بايقاعان، وعان دەيىن ول سپورتتىق ءىس-شاراعا بارعان. وقيعانىڭ ءمان-جايىن انىقتاۋ ءۇشىن ەلوردالىق پوليسەيلەر بەينەباقىلاۋ كامەرالارىنىڭ جازبالارىن قاراپ شىققان.
تەكسەرۋ بارىسىندا سپورتتىق ءىس-شاراعا بارماس بۇرىن كوزىلدىرىكتىڭ ەر ادامدا بولعانى انىقتالعان. كەيىن تريبۋنادا ويىنداردى تاماشالاپ ءجۇرىپ، ول ونى قالدىرىپ كەتكەن، ال عيماراتتان شىعاردا جوعالتقانىن بايقاماعان، دەپ مالىمدەدى استانا پوليسيا دەپارتامەنتىندە.
تۇركيا ازاماتى پوليسيا قىزمەتكەرلەرىنە جەدەلدىگى، مۇقيات قاراعانى جانە كورسەتكەن كومەگى ءۇشىن العىس بىلدىرگەن. پوليسيا ازاماتتاردىڭ ۋاقىتىلى ءوتىنىش جاساۋى وقيعانىڭ ءمان-جايىن تەزىرەك انىقتاۋعا جانە قاجەتتى شارالاردى قولدانۋعا مۇمكىندىك بەرەتىنىن اتاپ وتەدى. جەكە زاتتارىڭىزدى جوعالتقان جاعدايدا كومەك سۇراۋدى كەيىنگە قالدىرماۋعا، مۇمكىندىگىنشە پوليسيا قىزمەتكەرلەرىنە وقيعانىڭ ءمان-جايىن بارىنشا ناقتى حابارلاۋعا كەڭەس بەرىلەدى.