ەلورداداعى ەلەكتروندى ساۋدا-ساتتىقتا ەكى ءساندى پاتەر ۇسىنىلدى. ەڭ قىمبات لوت 363 ميلليون تەڭگەدەن استامعا باعالانعان، دەپ حابارلايدى infohub.kz.
ەلەكتروندى ساۋدا پورتالىنداعى مالىمەتكە سايكەس، استانادا «Green Village» جانە «پاريجسكي كۆارتال» تۇرعىن ءۇي كەشەندەرىندە ورنالاسقان ءۇش پاتەر ساتىلىمعا قويىلعان. ولاردىڭ باستاپقى قۇنى 112،9 ميلليون تەڭگەدەن 363،2 ميلليون تەڭگەگە دەيىن وزگەرەدى.
ەڭ قىمبات نىسان شارل دە گولل كوشەسىندەگى «پاريجسكي كۆارتال» تۇرعىن ءۇي كەشەنىندە ورنالاسقان. بۇل جالپى اۋدانى 309،5 شارشى مەتردى قۇرايتىن ەكى دەڭگەيلى پاتەر. ونىڭ باستاپقى باعاسى — 363 244 554 تەڭگە. ينتەرەرى نەگىزىنەن اشىق تۇستەردە ورىندالعان، بولمەلەردە ساندىك كەسكىندەمە، گيپس ورنەكتى كامين جانە التىن جالاتىلعان شۇمەكتەرى بار راكوۆينالار ورنالاسقان.
ەكىنشى پاتەر «كومسومولسكي» تۇرعىن الابىنداعى «Green Village» تۇرعىن ءۇي كەشەنىندە ورنالاسقان. ونىڭ اۋدانى — 231 شارشى مەتر، ال باستاپقى باعاسى — 114 ميلليون تەڭگە. بەزەندىرۋدە باعانالار، ويۋ-ورنەكتى تەرەزەلەر، كامين جانە كوپ مولشەردەگى ساندىك گيپس ورنەكتەر قولدانىلعان. بولمەلەردىڭ بىرىندە توبەدەگى بەزەندىرۋ ەرەكشە نازار اۋدارادى. جۋىناتىن بولمەدە ەرەكشە ءبىر دەتال انىقتالدى — وندا موزايكامەن «ۆينني-پۋح جانە ونىڭ دوستارى» ءمۋلتفيلمىنىڭ كورىنىسى سالىنعان. سونىمەن قاتار، پاتەردە ويۋلانعان ەلەمەنتتەرى مەن التىن جالاتىلعان ءپىل سۇيەگى ءتۇستى كوپتەگەن جيھاز بار.
ءۇش نىسان بويىنشا ساۋدا-ساتتىق 22 قىركۇيەكتە ساعات 10:00-دە باستالادى. وعان دەيىن الەۋەتتى ساتىپ الۋشىلار ساتىلىمعا قويىلعان جىلجىمايتىن م ۇلىكتى كورە الادى. پاتەرلەردى قايتارىلعان اكتيۆتەردى باسقارۋ كومپانياسى e-Qazyna ۆەب-پورتالى ارقىلى ساتادى. ساۋدا-ساتتىق كونكۋرس فورماتىندا وتەدى: بەلگىلەنگەن تالاپتارعا سايكەس كەلەتىن قاتىسۋشىلار ءوز باعا ۇسىنىستارىن كوتەرەدى.