استانادا 20 جاستاعى جىگىت تۇرعىن ءۇي اۋلاسىنداعى شلاگباۋمدى قاساقانا بۇزىپ، اكىمشىلىك جاۋاپكەرشىلىككە تارتىلدى. بۇل تۋرالى infohub.kz سايتى حابارلايدى.
استانا قالالىق پوليسيا دەپارتامەنتىنىڭ ءباسپاسوز قىزمەتى مالىمدەۋىنشە، وقيعا باۋىرجان مومىش ۇلى داڭعىلى بويىنداعى تۇرعىن ءۇي اۋلاسىندا بولعان. جىگىت شلاگباۋم قۇرىلعىسىنا بىرنەشە رەت اياعىمەن سوققى جاساپ، ونى تولىعىمەن ءبۇلدىرىپ، ماتەريالدىق شىعىن كەلتىرگەن. وقيعانىڭ بەينەجازباسى الەۋمەتتىك جەلىگە تارادى.
وسى دەرەك بويىنشا سوت شەشىمىمەن ازاماتقا 50 ايلىق ەسەپتىك كورسەتكىش مولشەرىندە، ياعني 216 250 تەڭگە كولەمىندە اكىمشىلىك ايىپپۇل سالىندى.
پوليسيا سونداي-اق جىل باسىنان بەرى ەلوردالىق قۇقىق قورعاۋ ورگاندارى بوتەن م ۇلىكتى قاساقانا ءبۇلدىرۋدىڭ 120-دان استام دەرەگىن انىقتاپ، ءارقايسىسى بويىنشا ءتيىستى شارالار قولدانعانىن اتاپ ءوتتى.
«قوعامدىق ءتارتىپتى ساقتاۋ جانە م ۇلىككە ۇقىپتى قاراۋ — ءقاۋىپسىز ءارى جايلى قالالىق ورتانىڭ ماڭىزدى قۇرامداس بولىگى. بوتەن م ۇلىكتى، سونىڭ ىشىندە تۇرعىن ءۇي اۋلالارىنداعى ينفراقۇرىلىم ەلەمەنتتەرىن قاساقانا ءبۇلدىرۋ — زيانسىز ارەكەت ەمەس، ول زاڭدا كوزدەلگەن جاۋاپكەرشىلىككە اكەپ سوعادى»، — دەدى قۇقىق قورعاۋ ورگاندارىندا.
استانا پوليسياسى بوتەن م ۇلىكتى ءبۇلدىرۋ دەرەكتەرىن انىقتاۋ جانە جولىن كەسۋ بويىنشا تۇراقتى تۇردە شارالار قولدانىپ كەلە جاتقانى بەلگىلى بولدى.
«بوتەن م ۇلىكتى ءبۇلدىرۋ جاسالعان ارەكەتتىڭ سيپاتى مەن ءمان-جايىنا قاراي قازاقستان رەسپۋبليكاسىنىڭ زاڭناماسىندا كوزدەلگەن جاۋاپكەرشىلىككە اكەپ سوعادى. تۇرعىنداردى بوتەن م ۇلىككە ۇقىپتى قاراۋعا، بەلگىلەنگەن نورمالاردى ساقتاۋعا جانە قوعامدىق ءتارتىپتى بۇزاتىن ارەكەتتەرگە جول بەرمەۋگە شاقىرامىز»، — دەپ ەسكە سالدى پوليسيا دەپارتامەنتىندە.