استانادا فەلدشەر ۇلدانا مىرزۋاننىڭ قازاسىنا قاتىستى سوت پروسەسى باستالدى. ول عيماراتتىڭ قاسبەتىنەن كونديسيونەر قۇلاپ، قايتىس بولعان ەدى، دەپ حابارلايدى infohub.kz.
بۇگىن ەلوردادا وسى ءىس بويىنشا العاشقى اشىق سوت وتىرىسى ءوتتى. ءىس ماتەريالدارى سوتقا تامىز ايىنىڭ باسىندا، سوتقا دەيىنگى تەرگەۋ اياقتالعاننان كەيىن جولدانعان بولاتىن.
ەسكە سالايىق، وقيعا 2025 جىلدىڭ 8 قاراشاسىندا بولدى: توعىز قاباتتى تۇرعىن ءۇيدىڭ قاسبەتىنەن سىرتقى كىرپىش قاپتاماسى مەن كونديسيونەر قۇلادى. جەدەل جاردەم فەلدشەرى قيراعان جەردەن ەر ادامدى شىعارۋعا تىرىسىپ، توعىزىنشى قاباتتان قۇلاعان كونديسيونەردىڭ سوققىسىنا ۇشىرادى. دارىگەرلەر وعان ترەپاناسيا جاسادى، الايدا 18 قاراشادا ونىڭ قايتىس بولعانى بەلگىلى بولدى.
قازاقستان پرەزيدەنتى قاسىم-جومارت توقايەۆ قايتىس بولعان فەلدشەردى «ەرلىگى ءۇشىن» مەدالىمەن ماراپاتتاۋ تۋرالى جارلىققا قول قويدى.
شىلدە ايىنىڭ سوڭىندا ۇلدانانىڭ اناسى ساليما ەشانقۇلوۆا قىزىنىڭ بۇرىنعى كۇيەۋىنىڭ ۇيلەنۋ تويىنداعى فوتوسۋرەتى جاريالانعاننان كەيىن قازاقستاندىقتارعا ۇندەۋ جاسادى. كەيىن جەسىرى ادىلەت زەينەل مەن ونىڭ اناسى جۇرتشىلىقتىڭ سىنىنا العاش رەت جاۋاپ بەردى. زەينەل قىلمىستىق ءىس بويىنشا زارداپ شەككەن مارتەبەسىنەن باس تارتپايتىنىن، «ءىستى سوڭىنا دەيىن جەتكىزگىسى» كەلەتىنىن جانە «ادىلدىككە قول جەتكىزگىسى» كەلەتىنىن مالىمدەدى. «مەنىڭ ۇلدانا الدىنداعى بورىشىم بار»، — دەپ اتاپ ءوتتى ول.