استانادا تەرەزەدەن دارەتكە وتىرعان ەر ادامعا قاتىستى سوت شەشىمى شىقتى. ول ۇساق بۇزاقىلىق جاساعانى ءۇشىن كىنالى دەپ تانىلىپ، 10 تاۋلىككە قاماۋعا الىندى، دەپ حابارلايدى infohub.kz.
استانا سوتتارىنىڭ ءباسپاسوز قىزمەتىنىڭ مالىمەتىنشە، استانانىڭ مامانداندىرىلعان اۋدانارالىق اكىمشىلىك قۇقىق بۇزۋشىلىقتار جونىندەگى سوتى ازامات ج.-عا قاتىستى اقبتك-نىڭ 434-بابىنىڭ 1-بولىگى بويىنشا قاۋلى شىعارعان.
بۇعان دەيىن الەۋمەتتىك جەلىلەردە تۇرعىن ءۇيدىڭ باسپالداق الاڭىندا قوعامدىق ءتارتىپتىڭ بۇزىلعانىن كورسەتەتىن بەينەجازبا تاراعان ەدى. سوتتا 24 تامىزدا ساعات 00:30 شاماسىندا ج. باسپالداق الاڭىندا تۇرىپ، پودەزد تەرەزەسىنەن سىرتقا دارەتكە وتىرعانى، وسىلايشا ۇساق بۇزاقىلىق جاساعانى انىقتالدى.
سوت وتىرىسىندا ج. كىناسىن مويىنداپ، وكىنگەنىن ءبىلدىردى. ونىڭ كىناسى ءىس ماتەريالدارىمەن جانە بەينەجازبامەن راستالدى.
اقبتك-نىڭ 434-بابىنىڭ 1-بولىگىنىڭ سانكسياسى 20 اەك (86 500 تەڭگە) مولشەرىندە ايىپپۇل نەمەسە 20 ساعاتتان 60 ساعاتقا دەيىن قوعامدىق جۇمىستارعا تارتۋ، نە 5 تاۋلىكتەن 15 تاۋلىككە دەيىن اكىمشىلىك قاماۋعا الۋدى كوزدەيدى.
جازا تاعايىنداۋ كەزىندە سوت ىس-ارەكەتتىڭ سيپاتىن، قوعامعا دەگەن قۇرمەتسىزدىكتى جانە الەۋمەتتىك جەلىلەردەگى ارەكەتتەردىڭ جاريا بولۋىن ەسكەردى. سوت قاۋلىسىمەن ج. اقبتك-نىڭ 434-بابىنىڭ 1-بولىگى بويىنشا كىنالى دەپ تانىلىپ، 10 تاۋلىك مەرزىمگە اكىمشىلىك قاماۋعا الۋ تۇرىندەگى اكىمشىلىك جازاعا تارتىلدى. قاۋلى زاڭدى كۇشىنە ەنگەن جوق.
ەسكە سالايىق، بۇعان دەيىن استانا پوليسياسى كوپقاباتتى ءۇيدىڭ تەرەزەسىنەن دارەتكە وتىرىپ، جەلىدە رەزونانس تۋدىرعان ەر ادامدى ىزدەگەن بولاتىن.