ەلوردادا تولە بي كوشەسىنىڭ ءبىر بولىگىندە جول جوندەۋ جۇمىستارى ۇزارتىلدى، وسىعان بايلانىستى ۇلى دالا داڭعىلىمەن قيىلىسى كولىك قوزعالىسى ءۇشىن 28 تامىزعا دەيىن تولىعىمەن جابىق بولادى، دەپ حابارلايدى infohub.kz.
استانا قالاسىنىڭ iKomek مونيتورينگ جانە جەدەل ارەكەت ەتۋ ورتالىعىنىڭ مالىمەتىنشە، تولە بي كوشەسىندە ر. باگلانوۆا كوشەسىنەن ۇلى دالا داڭعىلىنا دەيىنگى ارالىقتاعى جوندەۋ جۇمىستارى اتالعان كۇنگە دەيىن جالعاسادى.
وسىعان بايلانىستى جۇرگىزۋشىلەرگە بالامالى باعىتتاردى پايدالانۋ ۇسىنىلادى: تۇران داڭعىلىنان ە 54 كوشەسى ارقىلى تولە بي كوشەسىنە نەمەسە ۇلى دالا داڭعىلىنان جەرگىلىكتى جول ارقىلى تولە بي كوشەسىنە دەيىن.
شەكتەۋ ءدال ۇلى دالا داڭعىلى مەن تولە بي كوشەسىنىڭ قيىلىسىندا قولدانىلاتىنى، بۇل ارالىقتا كولىك قوزعالىسى تولىعىمەن جابىق ەكەنى اتاپ ءوتىلدى.
ورتالىق جول قوزعالىسىنا قاتىسۋشىلاردى ساپارلارىن الدىن الا جوسپارلاپ، جول قوزعالىسىن ۇيىمداستىرۋداعى ىقتيمال وزگەرىستەردى ەسكەرۋگە شاقىرىپ، ۋاقىتشا قولايسىزدىقتار ءۇشىن كەشىرىم سۇرادى.