استانادا ءبىر ايەل الەۋمەتتىك جەلىدە باسقا قالا تۇرعىنىن بالاعاتتاعانى ءۇشىن سوت الدىندا جاۋاپ بەردى. بۇل وقيعا كەڭىنەن تارالىپ، ءتىپتى ارنايى كوميسسيا ونىڭ سوزدەرى جازىلعان بەينەجازبانى قاراستىرعان ەدى... دەپ حابارلايدى infohub.kz.
ءىس قۇجاتتارىنا سايكەس، بالاعاتتاۋ فاكتىسى بەينەجازباعا پسيحولوگيالىق جانە فيلولوگيالىق ساراپتاما جۇرگىزگەن مامانداردىڭ قورىتىندىسىمەن راستالعان. ايىپتالۋشى كىناسىن تولىق مويىنداپ، كوپشىلىك الدىندا كەشىرىم سۇراۋعا دايىن ەكەنىن ءبىلدىرىپ، ازاماتتىق تالاپپەن ءىشىنارا كەلىسكەن. الايدا جابىرلەنۋشى قاتاڭ جازا تاعايىنداۋدى تالاپ ەتىپ، مورالدىق زياننىڭ وتەلۋىن جانە سوت شىعىندارىنىڭ ءوندىرىلۋىن سۇراعان.
سوت ايىپتالۋشىنىڭ كىناسىن مويىنداۋىن، وكىنۋىن جانە بۇرىن سوتتى بولماعانىن ەسكەرىپ، وعان 30 اەك مولشەرىندە، ياعني 129 750 تەڭگە كولەمىندە ايىپپۇل سالدى. الايدا امنيستياعا بايلانىستى ول ايىپپۇلدى تولەۋدەن بوساتىلدى. ۇكىم زاڭدى كۇشىنە ەنبەگەندىكتەن، وعان شاعىم جاسالۋى مۇمكىن.