اتىراۋدا كاراباليندەر وتباسىنىڭ قازاسىنا بايلانىستى ءىستى قاراعان سۋديا زارەما حاميدۋللينا سوتتالۋشى سۇلتان سارسەماليەۆكە ءومىر بويى باس بوستاندىعىنان ايىرۋ جازاسىن نەگە بەرگەنىن ءتۇسىندىردى، دەپ حابارلايدى infohub.kz.
سۋديانىڭ ايتۋىنشا، ساراپتاما سوتتالۋشىنىڭ ەسى دۇرىس ەكەنىن راستادى. سوت پروسەسى بارىسىندا ونىڭ ءتورت ادامدى الدىن الا جوسپارلاپ، قاساقانا ولتىرگەنى دالەلدەندى.
«سارسەماليەۆتىڭ 2025 جىلدىڭ مامىرىنان جەلتوقسانىنا دەيىن ءتورت ادامدى قاساقانا ولتىرگەنى تولىق دالەلدەندى. بۇدان باسقا، قۇرباندار قايتىس بولعاننان كەيىن ول الاياقتىق، ۇرلىق، جەكە كۋالىكتەردى يەمدەنۋ جانە ولاردىڭ مۇلكىن توناۋ سياقتى بىرنەشە قۇقىق بۇزۋشىلىق جاسادى»، – دەدى سۋديا.
تەرگەۋ ماتەريالدارىنا سايكەس، سوتتالۋشى قايتىس بولعانداردىڭ اتىنان نەسيە راسىمدەگەن، اۋىل تۇرعىندارىنا قازا تاپقان ناۋرىزدىڭ اتىنان حابارلاما جىبەرگەن، سونداي-اق ونىڭ ءىرى قاراسىن الداپ ساتقان.
سوت وسى جاعدايلاردىڭ بارلىعىن ەسكەرە وتىرىپ، سۇلتان سارسەماليەۆتى قوعامنان ءومىر بويى وقشاۋلاۋ تۋرالى شەشىم شىعاردى.