اتىراۋ وبلىسىندا تاسپەن باسقانىڭ كولىگىنىڭ شىنىسىن سىندىرعان ەر ادام سوت الدىنا كەلىپ، 151 375 تەڭگە ايىپپۇل تولەيتىن بولدى، دەپ حابارلايدى infohub.kz سايتى.
اتىراۋ وبلىسى سوتتارىنىڭ رەسمي Telegram-ارناسىندا حابارلانعانداي، جىلىوي اۋداندىق سوتى قازاقستان رەسپۋبليكاسى اكىمشىلىك قۇقىقبۇزۋشىلىق كودەكسىنىڭ 147-1-بابىنىڭ 1-بولىگىنە (بوتەننىڭ مۇلكىن قاساقانا ءبۇلدىرۋ) سايكەس اكىمشىلىك ءىستى قارادى.
سوت انىقتاعانداي، ەر ادام قۇلسارى قالاسىنىڭ 8-ۋچاسكەسىندە ورنالاسقان ج ش س بازاسىنىڭ اۋماعىندا ءجۇرىپ، سول جشس-كە تيەسىلى Toyota Fortuner كولىگىنە تاس لاقتىرعان. وقيعا سالدارىنان كولىكتىڭ سول جاق جۇرگىزۋشى شىنىسى مەن الدىڭعى اينەگى سىنعان.
سوت وتىرىسى بارىسىندا قۇقىقبۇزۋشى كىناسىن تولىق مويىنداپ، ىستەگەن ىسىنە وكىنەتىنىن ءبىلدىردى. ونىڭ كىناسى حاتتامامەن، ىسكە قاتىسۋشىلاردىڭ تۇسىنىكتەمەلەرىمەن، فوتو كەستەمەن جانە ءىستىڭ باسقا دا ماتەريالدارىمەن راستالادى.
اكىمشىلىك جازا تاعايىنداۋ كەزىندە سوت كىنانى مويىنداۋ مەن وكىنۋدى جەڭىلدەتەتىن ءمان-جايلار رەتىندە ەسكەردى. اۋىرلاتاتىن ءمان-جايلار انىقتالعان جوق.
سوت قاۋلىسىمەن ەر ادام ق ر اقبتك-نىڭ 147-1-بابىنىڭ 1-بولىگى بويىنشا كىنالى دەپ تانىلىپ، وعان 151 375 تەڭگە مولشەرىندە ايىپپۇل سالىندى. قاۋلى زاڭدى كۇشىنە ەندى.