الداعى ءۇش كۇندە قازاقستاندا جىلى جانە سۋىق اۋا ماسسالارىنىڭ سوقتىعىسۋىنا بايلانىستى اۋا رايى كۇرت وزگەرەدى. قازگيدرومەت سينوپتيكتەرى مول جاۋىن-شاشىن مەن قاتتى ىستىقتى بولجاپ وتىر، دەپ حابارلايدى infohub.kz.
ەلدىڭ باسىم بولىگىندە نايزاعايلى، جەل كۇشەيگەن جانە بۇرشاق جاۋاتىن قىسقا مەرزىمدى جاڭبىر وتەدى. ەرەكشە قاتتى جاڭبىر شىعىس قازاقستان وبلىسىندا كۇتىلەدى. تەك يراننان كەلگەن قۇرعاق ءارى ىستىق اۋا ماسسالارىنىڭ اسەرىنەن وڭتۇستىكتە جاۋىن-شاشىن بولمايدى.
تەمپەراتۋرا باتىس وڭىرلەردەن باسقا بارلىق ايماقتاردا بىرتىندەپ كوتەرىلەدى. كۇندىز سولتۇستىك وبلىستاردا تەرمومەترلەر +30…+38°C-قا، ال وڭتۇستىك جارتىدا +33…+44°C-قا جەتۋى مۇمكىن.
بۇگىن، 27 شىلدەدە، قازاقستاندا داۋىلدى ەسكەرتۋ جاريالاندى. باتىستا، سولتۇستىك-شىعىستا، شىعىستا، ورتالىقتا جانە وڭتۇستىك-شىعىستىڭ تاۋلى ايماقتارىندا نايزاعايلى جاڭبىر، كەي جەرلەردە بۇرشاق جانە ەكپىندى جەل، شىعىستا قاتتى جاڭبىر كۇتىلەدى. ءبىرقاتار وڭىردە جەل كۇشەيەدى، باتىستا، وڭتۇستىكتە، وڭتۇستىك-باتىستا جانە سولتۇستىكتە شاڭدى داۋىل، تۇندە جانە تاڭەرتەڭ سولتۇستىك پەن شىعىستا كەي جەرلەردە تۇمان بولۋى ىقتيمال.