شاردجاداعى جالدامالى پاتەردەن ەكى قازاقستاندىق ازاماتشانىڭ دەنەسى تابىلعان وقيعاعا قاتىستى جاڭا مالىمەتتەر پايدا بولدى. قازا تاپقاندار 20 جانە 22 جاستاعى تۋعان اپكە-سىڭلىلەر جۇلدىز بەن اقجان بوحانوۆتار ەكەنى انىقتالدى، دەپ حابارلايدى infohub.kz.
قىزداردىڭ تۋىستارىنىڭ ايتۋىنشا، ولار 2025 جىلدىڭ جەلتوقسانىندا باا-گە جۇمىس ىستەۋ ءۇشىن بارىپ، سۇلۋلىق سالونىندا جۇمىس ىستەگەن. دەنەلەرى تابىلعانعا دەيىن شامامەن 10 كۇن بۇرىن ولار بايلانىسقا شىعۋدى توقتاتقان.
قىزداردىڭ اتا-اناسىنا جىبەرگەن سوڭعى حابارلاماسى قىسقا بولعان. «سالەم، ماما، بىزدە ءبارى جاقسى، پروستىلا، تاماعىم اۋىرىپ تۇر، كەيىنىرەك حابارلاسامىن»، — دەگەن داۋىستىق حابارلاما جىبەرگەن قىز.
قازا تاپقانداردىڭ اكەسى مەيرام بوحانوۆ قىزدارىنا جىبەرگەن حابارلامالارى وقىلعانىمەن، جاۋاپ الماعانىن ايتتى. «دۇيسەنبىدە جازامىن — وقيدى، ءبىراق جاۋاپ جوق. دەنەلەرىن ازىرگە بەرمەيدى. ءبىر اپتا قاراستىرىلادى دەدى. تەزىرەك بولۋىن سۇراپ جاتىرمىز. ولاردى جەرلەۋ كەرەك قوي. ولار سوندا قانشا جاتتى... مەن ولاردى وسىندا اكەلىپ، ادامشا جەرلەگىم كەلەدى»، — دەدى ول.
جۇلدىز بەن اقجاننىڭ بۇعان دەيىن دە باا-گە جۇمىس ىستەۋگە بارعانى بەلگىلى بولدى، سوندىقتان وتباسى ولارعا الاڭداماعان. بۇل جولى اپكە-سىڭلىلەر اقپان ايىندا قازاقستانعا ورالۋدى جوسپارلاعان، الايدا تاياۋ شىعىستاعى جاعدايدىڭ ۋشىعۋىنا بايلانىستى قايتۋدى قىركۇيەكتىڭ باسىنا اۋىستىرعان.
قازا تاپقانداردىڭ اپكەسى مەنسۇلۋ بوحانوۆتىڭ ايتۋىنشا، قىزدار ەلدە تۋريستىك ۆيزامەن بولماعاندىقتان، ەۆاكۋاسيا كەزىندە بىردەن كەتە الماعان. «الدىمەن تۋريستەردى ەۆاكۋاسيالادى، ولار ءبىر اپتاعا كەتتى. ال ولار جەلتوقساننان بەرى سوندا بولدى، قۇجاتتارىن راسىمدەۋ كەرەك بولدى. بىردەن شىعا المادى. ءبىراق ۇيگە قايتقىسى كەلدى. مەن اقشا كەرەك پە، ءبارى جاقسى ما دەپ سۇرادىم. ءبارى جاقسى ەدى. سەبەبى نە بولۋى مۇمكىن ەكەنىن بىلمەيمىن»، — دەدى ول.
قىزداردىڭ ءولىمىنىڭ ءمان-جايى ازىرگە اشىلماي وتىر. تۋىستارىنا دەنەلەرىندە زورلىق-زومبىلىق ىزدەرى تابىلعانى تۋرالى دا حابارلانباعان. وتباسى اپكە-سىڭلىلەردى ءولتىرۋى مۇمكىن دەپ ەسەپتەيدى. راستالماعان اقپارات بويىنشا، كۇدىكتى ۇستالعان، الايدا بۇل رەسمي تۇردە راستالماعان.
قازاقستان سىرتقى ىستەر مينيسترلىگى تەرگەۋدى ءباا قۇقىق قورعاۋ ورگاندارى جۇرگىزىپ جاتقانىن مالىمدەدى. «قازاقستاننىڭ دۋباي قالاسىنداعى باس كونسۋلدىعى قاجەتتى كونسۋلدىق-قۇقىقتىق كومەك كورسەتۋدە. جەرگىلىكتى بيلىك وقيعانىڭ ءمان-جايىن انىقتاپ جاتىر جانە تەرگەۋ مۇددەسىنە وراي اقپاراتتى جاريالامايدى»، — دەپ حابارلادى ق ر ءسىم.
قازا تاپقانداردىڭ اكەسى استانادان ەميراتتارعا ۇشىپ كەتتى. تۋىستىقتى راستاۋ ءۇشىن ول دنك-تەست تاپسىرۋى كەرەك. وسىدان كەيىن ول قىزدارىنىڭ دەنەلەرىن الىپ، جەرلەۋ ءۇشىن قازاقستانعا جەتكىزە الادى.