باتىس قازاقستان وبلىسىندا بالاباقشا بۋحگالتەرى 30 ملن تەڭگەدەن استام بيۋدجەت قاراجاتىن جىمقىردى دەگەن كۇدىككە ءىلىندى. ايەل وزىنە زاڭسىز تۇردە جوعارىلاتىلعان جالاقى اۋدارىپ وتىرعان، دەپ حابارلايدى infohub.kz.
وبلىس پروكۋراتۋراسىنىڭ رەسمي سايتىندا حابارلانعانداي، سىرىم اۋدانىندا بالاباقشا بۋحگالتەرى بەس جىل بويى شتات كەستەسىندە بەكىتىلگەن جالاقىدان تىس قوسىمشا اقشانى ءوز بانكتىك شوتىنا نەگىزسىز اۋدارىپ كەلگەن.
پروكۋراتۋرا جۇرگىزگەن تەكسەرۋ ناتيجەسىندە زاڭسىز تولەمدەردىڭ جالپى سوماسى 30 ملن تەڭگەدەن اسقانى انىقتالدى. وسى فاكتى بويىنشا اۋدان پروكۋراتۋراسى ق ر قك 189-بابى 4-بولىگىنىڭ 2-تارماعىمەن (ەرەكشە ءىرى مولشەردە جىمقىرۋ) سوتقا دەيىنگى تەرگەۋ باستادى.
ءىس ودان ءارى تەرگەۋ ءۇشىن باتىس قازاقستان وبلىسى بويىنشا ەكونوميكالىق تەرگەۋ دەپارتامەنتىنە جىبەرىلدى. قازىرگى ۋاقىتتا تەرگەۋ امالدارى جۇرگىزىلۋدە.
اتالعان باپتىڭ سانكسياسى م ۇلىكتى تاركىلەۋ جانە بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ايىرۋمەن قاتار 12 جىلعا دەيىن باس بوستاندىعىنان ايىرۋ جازاسىن كوزدەيدى.