ستەپنوگورسك قالاسىنداعى №5 مەكەمەدە — قۋاندىق بىشىمبايەۆ جازاسىن وتەپ جاتقان كولونيادا — كىرۋدى باقىلاۋدىڭ زاماناۋي بەينەدوموفوندىق جۇيەسى ەنگىزىلىپ، جەرگىلىكتى بيۋدجەتتەن قالاداعى قىلمىستىق-اتقارۋ جۇيەسى مەكەمەلەرىنىڭ ماتەريالدىق-تەحنيكالىق بازاسىن نىعايتۋعا قاراجات ءبولىندى. بۇل تۋرالى باس پروكۋراتۋرانىڭ ءباسپاسوز قىزمەتى Telegram-ارناسىندا حابارلادى، دەپ جازادى infohub.kz سايتى.
اتالعان اقپاراتقا سايكەس، بيىل ستەپنوگورسك قالاسىنىڭ پروكۋراتۋراسى جەرگىلىكتى بيۋدجەتتەن قالاداعى قىلمىستىق-اتقارۋ جۇيەسى مەكەمەلەرىنىڭ ماتەريالدىق-تەحنيكالىق بازاسىن نىعايتۋعا قاراجات ءبولۋ ماسەلەسىن شەشتى.
بۇعان دەيىن حابارلانعانداي، قۋاندىق بىشىمبايەۆ جازاسىن وتەپ جاتقان №5 مەكەمەدە قاداعالاۋ ورگانى كىرۋدى باقىلاۋدىڭ زاماناۋي بەينەدوموفوندىق جۇيەسىن ەنگىزدى. قاجەت بولعاندا سوتتالعان ادام شاقىرۋ تۇيمەسىن باسادى، سودان كەيىن كەزەكشى ءبولىمنىڭ قىزمەتكەرى بەينەبايلانىس ارقىلى ونىڭ جەكە باسىن انىقتاپ، شىعۋ ماقساتىن ناقتىلايدى. تەك راستالعاننان كەيىن عانا ەسىك اشىلىپ، ادام وتكەن سوڭ اۆتوماتتى تۇردە جابىلادى.
«جۇيە سوتتالعانداردىڭ باقىلاۋسىز ءجۇرىپ-تۇرۋىن بولدىرماۋعا، وتكىزۋ رەجيمىن كۇشەيتۋگە جانە قىزمەتكەرلەر مەن نىساننىڭ جالپى قاۋىپسىزدىك دەڭگەيىن ارتتىرۋعا مۇمكىندىك بەرەدى»، — دەدى ۆەدومستۆودا.
بۇعان دەيىن YouTube-ارنالاردىڭ ءبىرى تاراتقان بىشىمباەۆتىڭ كولونيادا جوقتىعى تۋرالى اقپارات جاريالانعان بولاتىن. سول كەزدە قىلمىستىق-اتقارۋ جۇيەسى كوميتەتى جاعدايعا تۇسىنىكتەمە بەرىپ، سوتتالعان ادام ەڭ جوعارى قاۋىپسىزدىك مەكەمەسىندە جازاسىن وتەپ جاتقانىن مالىمدەدى. كەيىنىرەك قۋاندىق بىشىمباەۆتىڭ ادۆوكاتى NUR.KZ-كە قورعالۋشىسىنىڭ ءقازىر قايدا جۇرگەنىن جانە كولونياداعى ۇستاۋ جاعدايىن ايتىپ بەردى. سونداي-اق سەنات كۋلۋارلارىندا بۇرىن ءىىم باسشىسىنىڭ ورىنباسارى بولعان دەپۋتات مارات قوجاەۆتان سوتتالعان قۋاندىق بىشىمباەۆتىڭ قالاي جانە قايدا وتىرعانى نەگە كورسەتىلمەيتىنى سۇرالدى. قوجايەۆ رەسمي تۇلعالارعا سەنۋ كەرەكتىگىن، ال سوتتالعان ادام ستەپنوگورسك قالاسىنداعى ەڭ جوعارى قاۋىپسىزدىك كولونياسىندا ۇستالىپ جاتقانىن ايتتى.
2023 جىلعى 9 قاراشادا استاناداعى مەيرامحانالاردىڭ بىرىندە دەنە جاراقاتىن سالۋ سالدارىنان قازاقستان رەسپۋبليكاسىنىڭ بۇرىنعى ۇلتتىق ەكونوميكا ءمينيسترى قۋاندىق بىشىمباەۆتىڭ ازاماتتىق جۇبايى سالتانات نۇكەنوۆا قازا تاپتى. 12 قاراشادا بىشىمبايەۆ ەكى ايعا قاماۋعا الىندى. نۇكەنوۆا قازا تاپقان «گاستروسەنتر» ديرەكتورى باقىتجان بايجانوۆ تا قاماۋعا الىندى.
وسى ءىس بويىنشا تەرگەۋ قاڭتاردىڭ باسىندا اياقتالدى. بۇرىنعى مينيستر قۋاندىق بىشىمبايەۆ پەن ونىڭ اعاسى باقىتجان بايجانوۆقا قاتىستى سوت 27 ناۋرىزدا باستالدى. پروسەسس اشىق رەجيمدە ءوتىپ، ونلاين-ترانسلياسيانى بارلىق تىلەگەن ادام قازاقستان رەسپۋبليكاسى جوعارعى سوتىنىڭ YouTube-ارناسىنان كورە الدى. ەكەۋىن دە 12 ادامنان تۇراتىن القابيلەر سوتى قارادى.
مامىردىڭ ورتاسىندا قۋاندىق بىشىمبايەۆ سالتانات نۇكەنوۆانى ولتىرگەنى جانە ونى ازاپتاعانى ءۇشىن ەڭ جوعارى قاۋىپسىزدىك قىلمىستىق-اتقارۋ جۇيەسى مەكەمەسىندە وتەيتىن 24 جىلعا باس بوستاندىعىنان ايىرىلدى. 28 مامىردا قۋاندىق بىشىمباەۆتىڭ ءىسى بويىنشا اپەللياسيالىق شاعىم بەرىلدى. 11 ماۋسىمدا بىشىمبايەۆ پەن بايجانوۆتىڭ ءىسى بويىنشا اپەللياسيالىق شاعىم استانا سوتىنا ءتۇستى. 26 ماۋسىمدا استانا سوتىندا قۋاندىق بىشىمبايەۆ پەن باقىتجان بايجانوۆتىڭ اپەللياسيالىق شاعىمى بويىنشا سوت القاسى قابىلداعان شەشىم جاريالاندى. ەكى سوتتالعانعا دا ۇكىم وزگەرىسسىز قالدىرىلدى.