بورالدايدا سۋشيدەن ۋلانعان ونداعان ادام اۋرۋحاناعا ءتۇستى. ولاردىڭ اعزاسىنان ىشەك تاياقشاسى مەن ستافيلوكوكك تابىلدى. سانيتارلىق دارىگەرلەر ساراپتاما ناتيجەلەرىن جاريالادى، دەپ حابارلايدى infohub.kz سايتى.
وقيعا ءبىر اي بۇرىن بولعان: سول كەزدە بورالدايداعى سۋشي-باردا تاماقتانعاننان كەيىن جاپپاي ۋلانۋ بولعانى حابارلانعان ەدى. سانيتارلىق دارىگەرلەر مەكەمەدە تەكسەرۋ جۇرگىزدى. اس ۇيدە جاندىكتەر تابىلىپ، ۇستەلدەر مەن اس قۇرالدارىنان ىشەك تاياقشاسى انىقتالدى. شيكىزات پەن دايىن ءونىم تىكەلەي ەدەندە ساقتالعان. سونىمەن قاتار، يەسىنىڭ بالىق، كۇرىش جانە ىرىمشىككە سەرتيفيكاتتارى بولماعان، ال پەرسونال مەديسينالىق كىتاپشاسىز جۇمىس ىستەگەن.
«سۋشي-باردىڭ قىزمەتى تولىعىمەن توقتاتىلدى، ءقاۋىپتى ءونىم اينالىمنان الىنىپ، جويىلدى. قازىرگى ۋاقىتتا بارلىق زارداپ شەككەندەر دەنساۋلىعى جاقسارعاندىقتان اۋرۋحانادان شىعارىلدى»، — دەپ مالىمدەدى ىلە اۋدانىنىڭ سانيتارلىق-ەپيدەميولوگيالىق باقىلاۋ باسقارماسىندا.
تەكسەرۋدەن كەيىن سۋشي-بار جابىلدى. ءىس ماتەريالدارى قۇقىق قورعاۋ ورگاندارىنا جىبەرىلدى.
ەسكە سالا كەتەيىك، 17 ماۋسىمدا الماتى وبلىسىنىڭ بورالداي ەلدى مەكەنىندە تۇرعىنداردىڭ جاپپاي مەديسينالىق كومەككە جۇگىنۋىنەن كەيىن مەكەمەنىڭ جۇمىسى توقتاتىلعانى بەلگىلى بولدى. 18 ماۋسىمدا 65 ادامنىڭ ۋلانعانى، ونىڭ 36-سى اۋرۋحاناعا جات قىزىلعانى تۋرالى اقپارات پايدا بولدى.