سولتۇستىك قازاقستان وبلىسىندا «بۋلايەۆ سۋ» جاۋاپكەرشىلىگى شەكتەۋلى سەرىكتەستىگىنىڭ 51% ۇلەسى مەملەكەت مەنشىگىنە قايتارىلدى. بۇل كاسىپورىن بۋلاەۆو قالاسىنىڭ تۇرعىندارىن سۋمەن جابدىقتايدى، دەپ حابارلايدى infohub.kz سايتى.
قاداعالاۋ ورگانىنىڭ رەسمي سايتىندا جازىلعانداي، ماعجان جۇمابايەۆ اۋدانىنىڭ پروكۋراتۋراسى تۇرعىن ۇي-كوممۋنالدىق شارۋاشىلىق جانە مەملەكەتتىك م ۇلىكتى پايدالانۋ سالاسىنداعى زاڭدىلىق جاي-كۇيىنە تالداۋ جۇرگىزگەن. ونىڭ قورىتىندىسى بويىنشا 2017 جىلعى ەلەكتروندىق اۋكسيوننىڭ قورىتىندىلارىن جانە «بۋلايەۆ سۋ» ج ش س جارعىلىق كاپيتالىنداعى 51% ۇلەستى ساتىپ الۋ-ساتۋ شارتىن جارامسىز دەپ تانۋ تۋرالى تالاپ قويۋ ەنگىزىلگەن.
سوتتا پروكۋرور «AUHAL» ج ش س «بۋلايەۆ سۋ» جشس-دەگى 51% ۇلەستى ساتىپ العانىمەن، ءىس جۇزىندە كاسىپورىن جۇمىسىنا قاتىسپاعانىن جانە سۋ قۇبىرى جەلىلەرىن ۇستاۋ مەن دامىتۋعا قاراجات سالماعانىن دالەلدەدى. ال ولاردى ۇستاۋعا جانە اپاتتىق-قالپىنا كەلتىرۋ جۇمىستارىنا كەتكەن نەگىزگى شىعىندار ءىس جۇزىندە ماعجان جۇمابايەۆ اۋدانى اكىمدىگىنىڭ بيۋدجەتى مەن رەسۋرستارى ەسەبىنەن وتەلگەن.
«ناتيجەسىندە بۋلاەۆو قالاسىنىڭ تۇرعىندارىن سۋمەن جابدىقتايتىن كاسىپورىن كۇردەلى قارجىلىق جاعدايدا قالدى، ال ونىڭ تۇراقتى جۇمىسىن قامتاماسىز ەتۋ جۇگى ءىس جۇزىندە مەملەكەتكە ارتىلدى»، — دەپ اتاپ ءوتتى سولتۇستىك قازاقستان وبلىسىنىڭ پروكۋراتۋراسىندا.
سولتۇستىك قازاقستان وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ 2026 جىلعى 21 شىلدەدەگى شەشىمىمەن اۋدان پروكۋرورىنىڭ تالاپ قويۋى قاناعاتتاندىرىلدى. 2017 جىلعى ەلەكتروندىق اۋكسيوننىڭ قورىتىندىلارى مەن «بۋلايەۆ سۋ» ج ش س جارعىلىق كاپيتالىنداعى 51% ۇلەستى ساتىپ الۋ-ساتۋ شارتى جارامسىز دەپ تانىلدى.
وسىلايشا، بۋلاەۆو قالاسىنىڭ تۇرعىندارىن سۋمەن جابدىقتايتىن م ۇلىك مەملەكەتكە قايتارىلدى.
«مەملەكەتتىك م ۇلىكتىڭ قايتارىلۋى كاسىپورىندى نەعۇرلىم ءتيىمدى باسقارۋعا، ونىڭ قىزمەتىن باقىلاۋدى كۇشەيتۋگە، سۋ قۇبىرى جەلىلەرىن جاڭعىرتۋعا قاجەتتى رەسۋرستاردى جۇمساۋعا جانە كورسەتىلەتىن كوممۋنالدىق قىزمەتتەردىڭ ساپاسىن ارتتىرۋعا مۇمكىندىك بەرەدى»، — دەپ قوستى قاداعالاۋ ورگانىندا.