قازاقستاننىڭ دەنساۋلىق ساقتاۋ مينيسترلىگى دارىلىك زاتتار مەن مەديسينالىق بۇيىمداردىڭ ساپاسىن باعالاۋ ەرەجەلەرىنە وزگەرىستەر ەنگىزۋدى باستادى. ۆەدومستۆو باقىلاۋعا الىناتىن ونىمدەردى ىرىكتەۋ ءتارتىبىن تۇزەتەتىن بۇيرىق جوباسىن قوعامدىق تالقىلاۋعا ۇسىندى، دەپ حابارلايدى infohub.kz سايتى.
«اشىق نقا» پورتالىندا جاريالانعان قۇجاتقا سايكەس، دارىلىك زاتتار مەن مەديسينالىق بۇيىمداردىڭ ساپاسىن باعالاۋ ەرەجەلەرىنەن نارىقتان ءونىم ىرىكتەۋ ءتارتىبىن رەتتەيتىن ەرەجەلەردى الىپ تاستاۋ ۇسىنىلادى. بۇل وكىلەتتىكتەردى تاۋەكەلگە باعىتتالعان ءتاسىلدى ەسكەرە وتىرىپ، ىرىكتەۋدى جۇزەگە اسىراتىن مەملەكەتتىك ورگانعا بەرۋ جوسپارلانۋدا.
بۇيرىق جوباسىندا نارىقتان دارىلىك زاتتار مەن مەديسينالىق بۇيىمداردى ىرىكتەۋ قازاقستان رەسپۋبليكاسى دەنساۋلىق ساقتاۋ ءمينيسترىنىڭ № ق ر دسم-323/2020 بۇيرىعىمەن بەكىتىلگەن تاۋەكەلگە باعىتتالعان ءتاسىلدى ەسكەرە وتىرىپ، ساپاسى باقىلاناتىن دارىلىك زاتتار مەن مەديسينالىق بۇيىمداردى نارىقتان ىرىكتەۋ ەرەجەلەرىنە سايكەس جۇرگىزىلەتىنى اتاپ وتىلگەن.
دەنساۋلىق ساقتاۋ مينيسترلىگىندە بۇل جوبانىڭ قابىلدانۋى نارىقتان دارىلىك زاتتار مەن مەديسينالىق بۇيىمداردى ىرىكتەۋ كەزىندە فۋنكسيالاردىڭ قايتالانۋىن بولدىرماۋعا، سونداي-اق اتالعان بۇيرىققا سايكەس ىرىكتەۋدىڭ ءبىرىڭعاي ءتارتىبىن قامتاماسىز ەتۋگە مۇمكىندىك بەرەتىنىن اتاپ ءوتتى.
جوبانىڭ قوعامدىق تالقىلاۋى 15 قىركۇيەككە دەيىن جالعاسادى.