الداعى ەكى اپتا ىشىندە كەيبىر قازاقستاندىقتار دەكلاراسيا تاپسىرىپ، سالىق تولەۋگە مىندەتتى. بۇل تۇرعىن ءۇيدى ساتۋعا، ونى 78،6 ملن تەڭگەگە نەمەسە شەتەلدە ساتىپ الۋعا بايلانىستى، دەپ حابارلايدى infohub.kz سايتى.
دەكلاراسيالاۋ اياسىندا كەيبىر قازاقستاندىقتار كىرىستەرى مەن مۇلكى تۋرالى ءوز بەتىنشە ەسەپ بەرۋگە مىندەتتى. Krisha.kz پورتالىنىڭ حابارلاۋىنشا، مۇنداي مىندەتتەمەلەر جىلجىمايتىن م ۇلىكپەن جاسالاتىن كەيبىر وپەراسيالار كەزىندە تۋىنداۋى مۇمكىن. بۇل رەتتە 270.00 دەكلاراسياسىن 15 قىركۇيەككە دەيىن تاپسىرۋ قاجەت. سوندىقتان قازاقستاندىقتارعا سالىق كودەكسىنىڭ تالاپتارىنا قانداي جاعدايلاردا ىلىگۋى مۇمكىن ەكەنىن ەسكەرۋ ماڭىزدى.
270.00 دەكلاراسياسىن مىندەتتى تۇردە تاپسىرۋدىڭ نەگىزدەرىنىڭ ءبىرى – جىلجىمايتىن م ۇلىكتى قوسىمشا قۇنمەن ساتۋدان كىرىس الۋ. بۇل قازاقستاندىقتاردىڭ قانداي دا ءبىر وبەكتىگە ءبىر جىلدان از ۋاقىت يەلىك ەتىپ، ونى 2025 جىلى ساتقان جاعدايلارعا قاتىستى. ءبىراق 2026 جىلى ەرەجەلەر وزگەرگەنىن ەستە ۇستاعان ءجون – اعىمداعى جىلى ساتىپ الىنعان جىلجىمايتىن م ۇلىك دەكلاراسيالاۋعا ىلىنبەۋ ءۇشىن ءبىر جىلدىڭ ورنىنا ەكى جىل يەلىكتە بولۋى كەرەك.
15 قىركۇيەككە دەيىن سالىق تولەۋگە تۋرا كەلەتىن وبەكتىلەرگە: پاتەرلەر، جاتاقحاناداعى بولمەلەر جانە ءتىپتى قويمالار؛ ۇيلەر، ساياجايلار مەن جەر ۋچاسكەلەرى؛ گاراجدار مەن پاركينگ ورىندارى جاتادى. ياعني، ەگەر ولار 2025 جىلى ساتىپ الىنىپ، سودان كەيىن قوسىمشا قۇنمەن ساتىلسا، ال يەلىك مەرزىمى ساتىپ الۋ كۇنىنەن باستاپ 12 ايدان اسپاسا، قازاقستاندىقتارعا 270.00 دەكلاراسياسىن تاپسىرىپ، سالىقتى ءوز بەتىنشە تولەۋ قاجەت بولادى. ەسكە سالايىق، بۇل ءاۆتوموبيلدى، باعالى قاعازداردى جانە باسقا دا اكتيۆتەردى ساتۋعا دا قاتىستى.
270.00 نىسانىن تاپسىرۋدىڭ ەكىنشى سەبەبى – ەگەر ادام 20 000 اەك-تەن قىمبات م ۇلىك ساتىپ السا. 2025 جىلى بۇل 78،6 ملن تەڭگە بولدى (1 اەك – 3 932 تەڭگە)، – دەپ اتاپ وتىلگەن دەرەككوزدە. ياعني، قازاقستاندىقتار وتكەن جىلى قۇنى 78،6 ملن تەڭگەدەن اساتىن تۇرعىن ءۇي ساتىپ السا، ولار 15 قىركۇيەككە دەيىن 270.00 نىسانىن تاپسىرۋى كەرەك. وندا قاراجاتتىڭ شىعۋ كوزىن كورسەتۋ قاجەت: جيناق نەمەسە باسقا ادامنان اقشالاي سىيلىق؛ قارىز قاراجاتى؛ باسقا م ۇلىكتى ساتۋدان تۇسكەن كىرىس؛ سىيعا تارتۋ شارتى اياسىندا (بۇل جاعدايدا سىيلاۋشىنىڭ دەرەكتەرىن، ونىڭ ىشىندە جسن جانە تولىق ءاتى-جونىن كورسەتۋ قاجەت).
سونداي-اق قازاقستاندىقتار 2025 جىلى شەتەلدە مىناداي م ۇلىك بولسا، 270.00 نىسانىن تاپسىرۋعا مىندەتتى: جىلجىمايتىن م ۇلىك؛ شەتەلدىك بانكتەگى شوتتاعى اقشا؛ باسقا دا شەتەلدىك اكتيۆتەر.
270.00 نىسانىن 15 قىركۇيەككە دەيىن قوسا العاندا تاپسىرۋ كەرەك، ال سالىقتى (مىندەتتەمە بولسا) 25 قىركۇيەككە دەيىن تولەۋ قاجەت. مۇنى سالىق ورگانىنىڭ جەرگىلىكتى فيليالىندا جەكە نەمەسە ونلاين سەرۆيستەر ارقىلى جاساۋعا بولادى: «سالىق تولەۋشىنىڭ كابينەتى» نەمەسە eGov، ونىڭ ىشىندە ولاردىڭ ءموبيلدى قوسىمشالارى e-Salyq Azamat جانە eGov mobile؛ كەيبىر ەكىنشى دەڭگەيلى بانكتەردىڭ ءموبيلدى قوسىمشالارى.
دەكلاراسيانى بارلىعىنا تاپسىرۋدىڭ قاجەتى جوق. ەگەر سىزدە شەتەلدىك اكتيۆتەر بولماسا، جىلجىمايتىن م ۇلىك ساتپاساڭىز نەمەسە قىمبات م ۇلىك ساتىپ الماساڭىز، ەسەپ بەرۋدىڭ قاجەتى جوق. سونداي-اق دەكلاراسيا تاپسىرۋدان (شەتەلدىك اكتيۆتەر مەن شەكتى ماننەن جوعارى مامىلەلەر بولماعان جاعدايدا) مىنالار بوساتىلادى: زەينەتكەرلەر، ستۋدەنتتەر، ءۇي شارۋاسىنداعى ايەلدەر، جەكە كومپانيا قىزمەتكەرلەرى، قوسىمشا نەگىزدەرسىز جەكە كاسىپكەرلەر، – دەپ اتاپ وتىلگەن دەرەككوزدە.