الماتىدا 25 تامىزدان باستاپ ەلەكتروساموكاتتاردىڭ جۇرۋىنە قاتىستى جاڭا تالاپتار كۇشىنە ەنەدى: ولارعا تروتۋارلار مەن جاياۋ جۇرگىنشىلەر جولىندا جۇرۋگە تىيىم سالىنادى، دەپ حابارلايدى infohub.kz سايتى.
جولدىڭ ءجۇرۋ بولىگىنە تەك كامەلەتكە تولعان ەلەكتروساموكات جۇرگىزۋشىلەرى شىعا الادى. ول ءۇشىن كەز كەلگەن ساناتتاعى جۇرگىزۋشى كۋالىگى مەن قورعانىس دۋلىعاسى قاجەت. قاراڭعى ۋاقىتتا جارىق قايتارعىش ەلەمەنتتەردى دە پايدالانۋ كەرەك.
«ەڭ باستى وزگەرىس — ەلەكتروساموكاتتارعا تروتۋارلار مەن جاياۋ جۇرگىنشىلەر جولىندا جۇرۋگە تىيىم سالىنادى. سونىمەن قاتار، جولدىڭ ءجۇرۋ بولىگىنە تەك كامەلەتكە تولعان، كەز كەلگەن ساناتتاعى جۇرگىزۋشى كۋالىگى مەن قورعانىس دۋلىعاسى بار ازاماتتارعا عانا شىعۋعا رۇقسات ەتىلەدى»، — دەپ اتاپ ءوتتى ءابدىنۋر تاسىبايەۆ.
جاڭا تالاپتار ەلەكتروساموكاتتاردا جولاۋشىلار مەن جۇك تاسىمالداۋعا دا تىيىم سالادى. جاياۋ جۇرگىنشىلەر وتكەلىن كەسىپ وتكەندە جۇرگىزۋشى ساموكاتتان ءتۇسۋى ءتيىس.
جالعا بەرىلەتىن ەلەكتروساموكاتتار تىركەۋ نومىرلەرىمەن جابدىقتالىپ، مىندەتتى ساقتاندىرۋدان ءوتۋى كەرەك. كيكشەرينگ كومپانيالارى ساموكاتتاردىڭ تەحنيكالىق جاعدايىن، ولاردىڭ جىلدامدىعى مەن ورنالاسقان جەرىن باقىلاۋعا مىندەتتى.
بۇعان دەيىن «كۋرسيۆ» الماتى پوليسەيلەرى ءبىر دەمالىس كۇندەرى 298 ەلەكتروساموكاتتى، ءۇش موپەدتى، ءبىر ەلەكتروۆەلوسيپەد پەن ءبىر موتوسيكلدى ارنايى تۇراققا قاماعانىن حابارلاعان. قالانىڭ جەتىسۋ اۋدانىندا وسى ۋاقىت ىشىندە جول قوزعالىسى ەرەجەلەرىنىڭ 152 بۇزۋشىلىعى انىقتالعان، ونىڭ ىشىندە كولىك قۇرالدارىن پايدالانۋ مەن جولاۋشىلار تاسىمالداۋعا بايلانىستى.