سولتۇستىك قازاقستان وبلىسىنداعى ەلەۆاتوردا ەكى جۇمىسشى زارداپ شەكتى، ولاردىڭ ءبىرى قولىنان ايىرىلدى. وقيعا 3 قىركۇيەكتە دۋبروۆنوە اۋىلىندا بولعان، دەپ حابارلايدى infohub.kz سايتى.
Halyqstan Telegram-ارناسىنىڭ مالىمەتىنشە، 43 جاستاعى ەر ادام اياعىنان اۋىر جاراقات العان. ونىڭ ارىپتەسى كومەككە ۇمتىلعان كەزدە مەحانيزم ونى دا جاراقاتتاعان. ەكى زارداپ شەككەن دە اۋرۋحاناعا جەتكىزىلدى، جاعدايلارى تۇراقتى اۋىر دەپ باعالانۋدا.
1983 جىلى تۋعان جۇمىسشى اشىق سىنىقتار العان، وعان وتا جاسالعان. ونىڭ 41 جاستاعى ارىپتەسىنىڭ وڭ قولى امپۋتاسيالانعان.
سولتۇستىك قازاقستان وبلىسى پوليسيا دەپارتامەنتىنىڭ ءباسپاسوز قىزمەتى وقيعانى راستادى. ۆەدومستۆونىڭ مالىمەتىنشە، 3 قىركۇيەكتە استىق كەپتىرگىش جابدىعىنىڭ ەلەمەنتىندە جۇمىس ىستەۋ كەزىندە جۇمىسشىلاردىڭ ءبىرى اياعىنان جاراقات العان. وعان كومەك كورسەتۋگە تىرىسقان كەزدە ەكىنشى جۇمىسشى دا جاراقاتتانعان. ەكەۋى دە مەديسينالىق مەكەمەگە جەتكىزىلگەن.
وسى فاكتى بويىنشا ەڭبەكتى قورعاۋ ەرەجەلەرىن بۇزۋ بابى بويىنشا قىلمىستىق ءىس قوزعالدى. وقيعانىڭ ءمان-جايى انىقتالۋدا.