بريتاندىق ايەل 25 مىڭ دوللار قارىزىن نەبارى بەس ايدا وتەپ، قاجەتسىز زاتتارىن ساتىپ، شىعىندارىن قايتا قاراپ شىقتى، دەپ حابارلايدى infohub.kz.
ۇلىبريتانيانىڭ 32 جاستاعى تۇرعىنى ءۇشىن قارجىلىق قيىندىقتار 2022 جىلى جالعىزباستى انا بولعاننان كەيىن باستالدى. اعىمداعى شىعىنداردى جابۋ ءۇشىن ايەل جالپى سوماسى 23 مىڭ فۋنت ستەرلينگكە ەكى نەسيە الدى. جاعدايدى ءيمپۋلسيۆتى ساتىپ الۋلار، تاماق جەتكىزۋگە كەتكەن شىعىندار جانە ءۇش نەسيە كارتاسىن پايدالانۋ ۋشىقتىردى. بانكتە جۇمىس ىستەپ، قارجى مەحانيزمدەرىن تۇسىنگەنىنە قاراماستان، ءساۋىر ايىندا ول اۋىر جاعدايعا تاپ بولدى.
قارىزدان قۇتىلۋ ءۇشىن ەللي ارتىق م ۇلىكتەن ارىلۋدى ۇيعاردى. ول ءۇيىن مۇقيات تەكسەرىپ، ونلاين-پلاتفورمالارعا 410 زات قويدى. ساتىلىمعا كيىمدەر، ويىنشىقتار، زەرگەرلىك بۇيىمدار، اس ءۇي قۇرالدارى مەن دەكور شىقتى. سونىمەن قاتار، ول جۇمىسىنداعى ينۆەستيسيالاردى پايدالانىپ، اكسيالار مەن وبليگاسيالاردان تۇسكەن 11 333 فۋنت ستەرلينگتى نەسيەلەردى وتەۋگە جۇمسادى.
ايەل ءومىر سالتىن تولىعىمەن قايتا قاراپ، كۇندەلىكتى شىعىندارىن قىسقارتتى. دايىن تاماققا تاپسىرىس بەرۋدىڭ ورنىنا، ول ۇيدە جارتىلاي فابريكاتتاردى الدىن الا دايىنداپ، مۇزداتىپ قويدى. ەللي ءوزىنىڭ ارتىق زاتتاردان ارىلۋ تاجىريبەسى مەن ساۋداعا اۋەستىكپەن كۇرەسى تۋرالى TikTok-تا ايتا باستادى. بلوگ جۇرگىزۋ وعان پىكىرلەستەر تابۋعا جانە قارجىلىق ەركىندىككە جەتۋ جولىندا ءتارتىپتى ساقتاۋعا كومەكتەستى.