قاراعاندىداعى مايقۇدىق تۇرعىن الابىندا اۆتوبۋس پەن جەڭىل كولىك قاتىسقان اپات بولدى. سالدارىنان قىلمىستىق ءىس قوزعالدى، دەپ حابارلايدى infohub.kz سايتى.
اپات تۋرالى dorogi_karagandy Instagram-پاراقشاسىنداعى جاريالانىمنان بەلگىلى بولدى. وندا كۋاگەرلەر وقيعا ورنىنان بەينەجازبا جاريالاعان. كادرلاردا قاتتى زاقىمدالعان اق كولىك پەن جەدەل جاردەم كولىگى كورىنەدى.
پىكىرلەردە وبلىس پوليسياسى اپات بۇگىن، 6 قىركۇيەكتە، ساعات 07:30 شاماسىندا ك. ماركس كوشەسىندە بولعانىن ناقتىلادى. قاتىسۋشىلار — Chevrolet Cobalt كولىگى مەن Yutong مارشرۋتتىق اۆتوبۋسى.
«اپات سالدارىنان Chevrolet Cobalt كولىگىنىڭ 36 جاستاعى جولاۋشىسى العان جاراقاتتارىنان وقيعا ورنىندا قازا تاپتى. وسى فاكتىگە قاتىستى سوتقا دەيىنگى تەرگەۋ باستالدى. بولعان وقيعانىڭ ءمان-جايى مەن سەبەپتەرى انىقتالىپ جاتىر»، — دەپ ءتۇسىندىردى قاراعاندى وبلىسى پوليسيا دەپارتامەنتىندە.
قۇقىق قورعاۋ ورگاندارى جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا، جول جانە اۋا رايى جاعدايىنا قاراي ءقاۋىپسىز جىلدامدىقتى تاڭداۋعا، سونداي-اق جولدا بارىنشا مۇقيات ءارى ساق بولۋعا تاعى دا شاقىردى.