قاراعاندىدا پوليسەيلەر قوناقۇيگە دەيىن تاكسيمەن بارعان ەر ادامدى ۇستادى — ول بىرنەشە ۇرلىق جاسادى دەپ كۇدىككە ىلىكتى، دەپ حابارلايدى infohub.kz سايتى.
ىشكى ىستەر مينيسترلىگىنىڭ اقپاراتتىق مەدياپورتالىنىڭ مالىمەتىنشە، تامىز ايىنىڭ سوڭىندا تاكسي جۇرگىزۋشىسىنىڭ ارتقى ورىندىقتاعى كۇمىس اشەكەيلەر سالىنعان سومكەسى جوعالىپ كەتكەن. كۇدىك ءقوناقۇي ماڭىندا تۇسىرىلگەن جولاۋشىعا تۇسكەن. ۇرلىق تۋرالى حابارلاعاننان كەيىن زارداپ شەككەن ايەل سول جەردە كۇتىپ قالعان.
كەلگەن پاترۋلدىك پوليسيا ەكيپاجى ءمان-جايدى انىقتاۋ بارىسىندا ەكى جايتقا نازار اۋداردى: جولاۋشى شىققان مەكەنجاي مەن ونىڭ قول جۇگىندەگى تەمەكىگە تولى پاكەت. ءبىر ساعاتتان ءسال بۇرىن سول مەكەنجايدان دۇكەننەن تەمەكى مەن اقشا ۇرلانعانى تۋرالى باعدار بەرىلگەن ەدى.
بولىمشەگە جەتكىزىلگەن كۇدىكتىدەن پوليسەيلەر ىشىندەگىسىمەن بىرگە ۇرلانعان سومكەنى، 103 قوراپ تەمەكىنى جانە دۇكەن كاسساسىنان الىنعان 125 مىڭ تەڭگەنى تاركىلەدى. تەرگەۋ كەزىندە 32 جاستاعى ەر ادام قالانىڭ ەكىنشى شەتىندەگى اۆتومويكادان دا ۇرلىق جاساعانىن مويىندادى، وندا كاسسادان 1،3 ملن تەڭگە جوعالعان.
«ۇستالعان ادام ابدەن قالىپتاسقان سحەمامەن ارەكەت ەتتى: كاسساعا قول جەتىمدى جانە قۇندىلىعى شاعىن جەرلەردى تاڭداپ، قىزمەتكەرلەردىڭ بەيقامدىعىنا سەندى. ءبىر جاعدايدا ءتىپتى تاكسيدەگى ۇساق تيىندى دا الىپ كەتۋگە ارلانباعانى — تەرگەۋ ءۇشىن باستى ىزگە اينالدى»، — دەپ اتاپ ءوتتى ۆەدومستۆودا.
ءقازىر قوزعالعان قىلمىستىق ءىس اياسىندا ونىڭ باسقا دا وسىعان ۇقساس قىلمىستارعا قاتىسى بار-جوعى تەكسەرىلۋدە.