قازاقستاندا پويىز بيلەتتەرىن ساتۋدىڭ جاڭا جۇيەسىن ەنگىزۋ مۇمكىندىگى قاراستىرىلۋدا، بۇل جۇيە بويىنشا ءبىر كۋپەدە تەك ەرلەر نەمەسە تەك ايەلدەر عانا جۇرە الادى. بۇل تۋرالى infohub.kz سايتى حابارلايدى.
تالقىلاۋعا سەبەپ بولعان — Baby27alien لوگينىمەن تىركەلگەن قازاقستاندىق ايەلدىڭ Threads الەۋمەتتىك جەلىسىندەگى جازباسى. ول تۇركيانىڭ تاجىريبەسىن قولدانۋدى ۇسىندى، وندا كۋپەگە بيلەتتەر جولاۋشىلاردىڭ جىنىسىن ەسكەرە وتىرىپ ساتىلادى: ەگەر بيلەتتى ءبىرىنشى بولىپ ەر ادام ساتىپ السا، بۇل كۋپەگە تەك ەرلەر عانا بيلەت الا الادى، جانە كەرىسىنشە. جازبا اۆتورى نەلىكتەن مۇنداي تاجىريبە قازاقستاندا قولدانىلمايتىنىن سۇرادى.
«قازاقستان تەمىر جولى» ۇك» اق ءباسپاسوز قىزمەتى بۇل وتىنىشكە جاۋاپ بەردى. وندا بۇل جۇيە كومپانيا ماماندارى تاراپىنان زەرتتەلىپ جاتقانىن حابارلادى. «سالەمەتسىزدەر مە! بۇل جۇيە ءبىزدىڭ ماماندار تاراپىنان زەرتتەلۋدە. ءارى قاراي جۇيەنى ەنگىزۋ ماسەلەسى قاراستىرىلاتىن بولادى. ايتا كەتەيىك، قازىرگى ۋاقىتتا ۇلتتىق تاسىمالداۋشى نەگىزگى باعىتتاردا «ايەلدەر ۆاگونى» قىزمەتىن ەنگىزگەن»، — دەپ جاۋاپ بەردى ءباسپاسوز قىزمەتى.