قازاقستاندا قاشاعان كەن ورنىن يگەرۋشى North Caspian Operating Company (NCOC) حالىقارالىق كونسورسيۋمىنىڭ مۇلكى مەن كولىگىنە تىيىم سالىندى. ءتيىستى قۇجات ادىلەت مينيسترلىگىنىڭ اتقارۋشى ءوندىرىس ورگاندارىنىڭ اۆتوماتتاندىرىلعان اقپاراتتىق جۇيەسىندە جاريالانعان، دەپ inbusiness.kz Reuters-كە سىلتەمە جاساپ حابارلادى. تولىعىراق infohub.kz سايتىندا.
جاريالانعان قۇجاتتا قانداي اكتيۆتەر نەمەسە كولىك قۇرالدارىنا تىيىم سالىنعانى ناقتىلانباعان، الايدا شارا 21 شىلدەدەن باستاپ ورىندالىپ جاتقانى كورسەتىلگەن.
NCOC قۇرامىنا Shell، Eni، TotalEnergies جانە Exxon Mobil كىرەدى. كونسورسيۋم ازىرگە جاعدايعا تۇسىنىكتەمە بەرگەن جوق. بۇعان دەيىن قازاقستان ۇكىمەتى كومپانيانى شامادان تىس كوپ كۇكىرت ساقتاعانى ءۇشىن 2،3 ترلن تەڭگە ايىپپۇل تولەۋگە مىندەتتەگەن بولاتىن.
NCOC وپەراتورى كىناسىن مويىنداماي، تالاپتاردى حالىقارالىق تورەلىكتە داۋلاپ جاتىر. شىلدەدە قازاقستان بيلىگى ەكولوگيالىق ايىپپۇلدى تولەتۋدى تالاپ ەتەتىنىن مالىمدەدى، ال كونسورسيۋم داۋدىڭ تورەلىك اياسىندا ەكەنىن ايتادى.