قازاقستاندىق پويىزداردا كۋپەدەگى ورىنداردى ساتۋ ءپرينسيپى وزگەرۋى مۇمكىن، بۇل بەيتانىس ەرلەر مەن ايەلدەردىڭ بىرگە ورنالاسۋىنا جول بەرمەۋى كەرەك. قتج ماماندار بۇل جۇيەنى ءقازىردىڭ وزىندە زەرتتەپ جاتقانىن حابارلادى، دەپ حابارلايدى infohub.kz سايتى.
تالقىلاۋعا سەبەپ بولعان — قازاقستاندىق ايەلدىڭ Threads الەۋمەتتىك جەلىسىندەگى جازباسى. ول تۇركياداعى تەمىرجول بيلەتتەرىن ساتۋ ەرەجەلەرىنە نازار اۋدارعان. ونىڭ ايتۋىنشا، ەگەر كۋپەدەگى ءبىرىنشى ورىندى ەر ادام ساتىپ السا، قالعان ورىندار تەك ەرلەرگە ۇسىنىلادى. العاشقى بيلەتتى ايەل ساتىپ السا، ءدال وسىنداي پرينسيپ قولدانىلادى.
«نەگە سىزدەر بىزدە، قازاقستاندا، مۇنى ءالى جاساي المايسىزدار؟ وتىنەمىن»، — دەپ ول قتج-عا جۇگىنگەن.
كومپانيادا مۇنداي مەحانيزم مامانداردىڭ نازارىنا ىلىككەنىن ايتتى. «بۇل جۇيەنى ءبىزدىڭ ماماندار ءقازىردىڭ وزىندە زەرتتەپ جاتىر. ءارى قاراي جۇيەنى ەنگىزۋ ماسەلەسى قاراستىرىلاتىن بولادى»، — دەپ مالىمدەدى قتج-دا.
شەشىمنىڭ قاشان قابىلداناتىنى جانە بۇل وپسيانىڭ قانداي پويىزداردا پايدا بولاتىنى ازىرگە بەلگىسىز.
سونىمەن قاتار، قازاقستاندا تولىق بولەك ساياحاتتاۋ نۇسقالارى بار. نەگىزگى باعىتتاردا ايەل جولاۋشىلارعا «ايەلدەر ۆاگونى» قىزمەتى قولجەتىمدى. بۇعان دەيىن 2 قىركۇيەكتە قازاقستاندا تاعى ءبىر ايەلدەر ۆاگونى ىسكە قوسىلعانى حابارلانعان بولاتىن.