2026 جىلدىڭ تامىزىندا قازاقستاندا 166،5 مىڭ كولىك ەسەپكە قويىلدى. تىركەلگەن جەڭىل كولىكتەردىڭ ىشىندە ەڭ ۇلكەن ۇلەستى 20 جىلدان بۇرىن شىعارىلعان ماشينالار قۇرادى، دەپ حابارلايدى infohub.kz سايتى.
تامىزدا بارلىعى 105،8 مىڭ جەڭىل كولىك ەسەپكە قويىلدى — بۇل جالپى سانىنىڭ 87،5%-ى. ونىڭ 46،6 مىڭى (28%) 20 جىلدان استام ۋاقىت بۇرىن شىعارىلعان. سالىستىرساق، جاسى 3 جىلعا دەيىنگى ماشينالار 40،5 مىڭدى، ياعني اي ىشىندە تىركەلگەن كولىكتەردىڭ 24،3%-ىن قۇرادى.
تاعى 39،6 مىڭ جەڭىل كولىكتىڭ (23،8%) جاسى 10-20 جىل ارالىعىندا. جاسى 3-تەن اسقان، ءبىراق 7 جىلدان اسپايتىن ماشينالار شامامەن 13 مىڭ (7،8%)، ال 7-10 جاس ارالىعىنداعىلارى 6 011 كولىك (3،6%) بولدى.
وسىلايشا، جاسى 10 جىلدان اسقان اۆتوموبيلدەر تامىزداعى تىركەۋلەردىڭ 51،8%-ىن قامتاماسىز ەتتى.
2026 جىلدىڭ 1 قىركۇيەگىندە قازاقستاندا بارلىعى 6،09 ملن كولىك تىركەلگەن. ونىڭ 5،1 ملن-ى جەڭىل كولىكتەرگە تيەسىلى.
سونىمەن قاتار تامىز ستاتيستيكاسى جاڭا جانە ەسكى ماشينالار اراسىنداعى ايتارلىقتاي ايىرماشىلىقتى كورسەتەدى: جاسى 3 جىلعا دەيىنگى اۆتوموبيلدەر 40،5 مىڭ بولىپ ەسەپكە قويىلسا، 20 جىلدان اسقان ماشينالار ودان 6،1 مىڭعا كوپ بولدى.
ەسكى جەڭىل كولىكتەر ەڭ كوپ تىركەلگەن ءوڭىر — الماتى وبلىسى، مۇندا 6 254 ماشينا ەسەپكە الىندى. ودان كەيىن جامبىل وبلىسى — 4 643 جانە تۇركىستان وبلىسى — 4 559.
بۇعان دەيىن كۋرسيۆ اۆتو الماتىدا كولىك جاسىنا قاراي ەمەس، شىعارىندىلار دەڭگەيىنە قاراي باعالاناتىنىن حابارلاعان ەدى.