كەڭسە قىزمەتكەرلەرىن ەڭ كوپ تىتىركەندىرەتىن نارسە — تاماق پەن پارفيۋمەريا ءيىسى، دەپ حابارلايدى infohub.kz.
HR-ديرەكتورى تاتيانا گريبكوۆانىڭ ايتۋىنشا، سۇرالعانداردىڭ 32%-ى ءارتۇرلى يىستەرگە — تاماق يىسىنەن باستاپ ارىپتەستەرىنىڭ پارفيۋمىنە دەيىن — ەڭ كوپ شىداي المايدى. ەكىنشى ورىندا شۋ تۇر: ونى قىزمەتكەرلەردىڭ 27%-ى ماسەلە دەپ اتاعان.
تاعى 22% رەسپوندەنت دىمقىلدىق پەن بۇزىلعان كونديسيونەرلەرگە شاعىمدانعان. قىزمەتكەرلەردىڭ 19%-ى ءۇشىن اشىق كەڭسە كەڭىستىگى مەن جەكە ورىننىڭ جەتىسپەۋشىلىگى پروبلەماعا اينالعان.
سۇرالعانداردىڭ 13%-ى كەلىسسوز بولمەلەرىندەگى كەزەك پەن اس ۇيدە نەمەسە دەمالىس ايماعىندا ورىننىڭ جەتىسپەۋشىلىگىن تىتىركەندىرگىش دەپ سانايدى.
«بۇل ناتيجەلەر قىزمەتكەرلەرگە تەك كەڭسەنىڭ اۋدانى عانا ەمەس، سونىمەن قاتار كەڭىستىكتىڭ قانشالىقتى ىڭعايلى ۇيىمداستىرىلعانى ماڭىزدى ەكەنىن كورسەتەدى»، — دەپ اتاپ ءوتتى گريبكوۆا.
HR-ساراپشى شەشىم رەتىندە كەڭسەلەردە زەيىندى شوعىرلاندىرۋعا ارنالعان تىنىش ايماقتار قۇرۋدى، كەلىسسوز بولمەلەرىن برونداۋدىڭ تۇسىنىكتى جۇيەسىن ەنگىزۋدى جانە ورتاق كەڭىستىكتەردە جەتكىلىكتى ورىنمەن قامتاماسىز ەتۋدى ۇسىندى.
سونىمەن قاتار، سۇرالعانداردىڭ 10%-ى كەڭسە ورتاسىنىڭ جاعدايىنا تولىق قاناعاتتاناتىنىن مالىمدەدى.