پاۆلودار وبلىسىندا قوس ازاماتتىقتىڭ 27 فاكتىسى انىقتالدى، زاڭبۇزۋشىلار جاۋاپكەرشىلىككە تارتىلدى، دەپ حابارلايدى infohub.kz سايتى.
اعىمداعى جىلدىڭ باسىنان بەرى وڭىردە قازاقستان رەسپۋبليكاسىنىڭ ازاماتتىعىن جوعالتۋ 398 ادامعا قاتىستى تىركەلدى. كوشى-قون زاڭناماسىن ءارتۇرلى بۇزعانى ءۇشىن 40 ازامات اكىمشىلىك جاۋاپكەرشىلىككە تارتىلدى، ونىڭ 7ء-ۋى ەلدەن شىعارىلدى، دەدى پاۆلودار وبلىسى پد كوشى-قون قىزمەتى باسقارماسىنىڭ باستىعى الەكساندر كۋزمەنكو.
مىسالى، 1990 جىلى تۋعان ايەل 2015 جىلدان بەرى رەسەي فەدەراسياسىنىڭ ازاماتى بولا تۇرا، بۇل تۋرالى پوليسيا ورگاندارىنا حابارلاماعان. تاعى ءبىر 1989 جىلى تۋعان ايەل 2026 جىلى رەسەي ازاماتتىعىن العان، ءبىراق مەملەكەتتىك شەكارانى قازاقستان پاسپورتىمەن كەسىپ وتكەن.
ازاماتتىق تۋرالى زاڭنامانى بۇزعانى ءۇشىن ايەلدەر اكىمشىلىك جاۋاپكەرشىلىككە تارتىلدى. وسى باپ بويىنشا 100 اەك مولشەرىندە ايىپپۇل نەمەسە قازاقستاننان شىعارىپ جىبەرۋ كوزدەلگەن. ازاماتتىعىن جوعالتقان ادامداردىڭ ق ر ازاماتىنىڭ قۇجاتتارىن پايدالانعانى ءۇشىن 200 اەك مولشەرىندە ايىپپۇل قاراستىرىلعان، دەپ ءتۇسىندىردى كوشى-قون قىزمەتىنىڭ باسشىسى.