قوستاناي وبلىسىندا قاراسۋ اۋدانى بويىنشا مەملەكەتتىك كىرىستەر باسقارماسىنىڭ بۇرىنعى باسشىسى ايازبەك قۇلنازاروۆ ءىرى كولەمدەگى الاياقتىققا وقتالۋ جانە لاۋازىمدىق وكىلەتتىگىن اسىرا پايدالانۋ فاكتىسى بويىنشا سوتتالدى، دەپ حابارلايدى infohub.kz.
تەرگەۋ دەرەكتەرىنە سايكەس، 2026 جىلدىڭ ناۋرىز ايىندا شەنەۋنىك شارۋا قوجالىعىنىڭ باسشىسىنا سالىق ەسەپتىلىگىندە 18 ميلليون تەڭگە سوماسىندا سايكەسسىزدىكتەر بار ەكەنىن ايتقان. كەيىن ول ونىڭ ۇلىنا ماسەلەنى 7 ميلليون تەڭگەگە شەشۋدى ۇسىنعان.
ەر ادام قوستاناي وبلىسى بويىنشا ۇقك دەپارتامەنتىنە جۇگىنگەن. ناتيجەسىندە ايازبەك قۇلنازاروۆ اۋداندىق اكىمدىك عيماراتىنىڭ جانىندا 5 ميلليون تەڭگە تاپسىرعاننان كەيىن ۇستالدى.
تەرگەۋ بارىسىندا ەشقانداي سالىق سايكەسسىزدىگى جوق ەكەنى انىقتالدى. سوتتا بۇرىنعى باسقارما باسشىسى كىناسىن تولىق مويىنداپ، باس بوستاندىعىنان ايىرماي، ايىپپۇل سالۋدى سۇرادى.
قىلمىس اۋىر سىبايلاس جەمقورلىق ساناتىنا جاتاتىنىن ەسكەرە وتىرىپ، سوت ونى 2 جىل 7 اي 15 كۇنگە باس بوستاندىعىنان ايىرۋعا جانە مەملەكەتتىك قىزمەتتە لاۋازىم اتقارۋعا ءومىر بويى تىيىم سالۋعا ۇكىم شىعاردى. سوتتالعان ادام سوت زالىندا كۇزەتكە الىندى. ۇكىم زاڭدى كۇشىنە ەنگەن جوق.