قوستاناي وبلىسىندا سوت جەرگىلىكتى تۇرعىن مەن «وتباسى بانك» اراسىنداعى باسپانا كەزەگى ماسەلەسى بويىنشا مەدياتيۆتىك كەلىسىمدى بەكىتتى. ايەل وزىنە بەرىلگەن كەزەكتەگى ىشكى ساناتقا داۋ ايتقان بولاتىن، دەپ حابارلايدى infohub.kz سايتى.
ازاماتشا ل. مامانداندىرىلعان اۋدانارالىق اكىمشىلىك سوتقا قوستاناي قالاسى اكىمدىگىنىڭ تۇرعىن ءۇي قاتىناستارى بولىمىنە جانە «تۇرعىن ءۇي قۇرىلىس جيناق بانكى» اق «وتباسى بانككە» قارسى تالاپ ارىزبەن جۇگىندى. داۋ باسپانا الۋ ءۇشىن ەسەپكە قويۋ كەزىندەگى ىشكى ساناتتى تۇزەتۋگە قاتىستى بولدى.
الدىن الا قاراۋ بارىسىندا تاراپتار جانجالدى بەيبىت جولمەن شەشۋگە شەشىم قابىلدادى. سۋديا-مەدياتوردىڭ كومەگىمەن ولار كەلىسىم جاساسىپ، ونى بەكىتۋ ءۇشىن سوتقا ۇسىندى.
سوت كەلىسىمنىڭ شارتتارى مەن ءىس ماتەريالدارىن زەردەلەي كەلە، تاراپتاردىڭ كەلىسىمى ولاردىڭ مۇددەلەرىنە ساي، زاڭعا قايشى كەلمەيتىنىن جانە باسقا تۇلعالاردىڭ قۇقىقتارىن بۇزبايتىنىن انىقتادى. وسىعان بايلانىستى سوت كەلىسىمدى بەكىتتى.
كەلىسىمنىڭ شارتتارىنا سايكەس، «وتباسى بانك» ازاماتشا ل.-نىڭ باسپانا كەزەگىندەگى ىشكى ساناتىن تۇزەتۋگە مىندەتتەندى: «بالالارى مۇگەدەك بولىپ تابىلاتىن نەمەسە تاربيەلەيتىن وتباسىلار» ساناتىنىڭ ورنىنا وعان «تولىق ەمەس وتباسى» ساناتى بەرىلەدى. بۇل رەتتە ءوڭىر، سانات جانە كەزەككە قويىلعان كۇن وزگەرىسسىز قالادى.
مەدياسيا تۋرالى كەلىسىمنىڭ بەكىتىلۋىنە بايلانىستى اكىمشىلىك تالاپ ارىز تاراپتاردىڭ تاتۋلاسۋىنا وراي قايتارىلدى. مەدياتيۆتىك كەلىسىم زاڭدى كۇشىنە ەندى.
جىلدار بويى باسپانا كەزەگىندە تۇرعىسى كەلمەيتىن قازاقستاندىقتارعا «ناۋرىز» يپوتەكاسىن پايدالانۋدى ۇسىندى. بۇل تۋرالى ۇكىمەت وتىرىسىندا «وتباسى بانكى» باسقارما ءتورايىمى ءلاززات يبراگيموۆا ايتتى.