قوستاناي وبلىسىندا جولاۋشىلار پويىزىندا ۇساق بۇزاقىلىق جاساعان ەر ادام اكىمشىلىك جاۋاپكەرشىلىككە تارتىلدى. ول 86 500 تەڭگە كولەمىندە ايىپپۇل تولەۋى ءتيىس، دەپ حابارلايدى infohub.kz سايتى.
قوستاناي وبلىسى سوتتارىنىڭ رەسمي Telegram-ارناسىندا حابارلانعانداي، بەيىمبەت مايلين اۋدانىنىڭ سوتىندا ەر ادامعا قاتىستى ۇساق بۇزاقىلىق (اقبتك-نىڭ 434-بابىنىڭ 1-بولىگى) تۋرالى ءىس قارالدى.
سوت تەرگەۋى بارىسىندا 2026 جىلعى 6 قىركۇيەكتە ساعات 21:00 شاماسىندا بەيىمبەت مايلين اۋدانى اۋماعىمەن ءجۇرىپ وتكەن جولاۋشىلار پويىزىندا ماساڭ كۇيدەگى جولاۋشى بالاعات سوزدەر ايتقانى انىقتالدى. ول قوعامدىق ورىندا وسىنداي ارەكەتتەرىمەن قوعامدىق ءتارتىپ پەن ازاماتتاردىڭ تىنىشتىعىن بۇزىپ، اينالاسىنداعىلارعا اشىق قۇرمەتسىزدىك كورسەتكەن.
سوت وتىرىسىندا ەر ادام كىناسىن مويىندادى. اكىمشىلىك جازا تاعايىنداۋ كەزىندە سوت جاۋاپكەرشىلىكتى جەڭىلدەتەتىن ءمان-جايلاردى — كىنانى مويىنداۋدى جانە كامەلەتكە تولماعان بالالارىنىڭ بولۋىن ەسكەردى. جاۋاپكەرشىلىكتى اۋىرلاتاتىن ءمان-جاي رەتىندە سوت اكىمشىلىك قۇقىق بۇزۋشىلىقتىڭ ماساڭ كۇيدە جاسالعانىن ەسكەردى.
سوت قاۋلىسىمەن ەر ادام اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلىپ، وعان 86 500 تەڭگە كولەمىندە ايىپپۇل تۇرىندەگى جازا تاعايىندالدى. سوت قاۋلىسى زاڭدى كۇشىنە ەنگەن جوق.