قوستاناي وبلىسىنىڭ گلەبوۆكا اۋىلىندا تۇرعىندار مەن كاسىپكەرلەر سۋعا 45 ەسە قىمبات تاريف تولەپ كەلگەن. پروكۋرورلار ارالاسقاننان كەيىن ءبىر تەكشە مەتر سۋدىڭ باعاسى 5،5 مىڭ تەڭگەدەن 116 تەڭگەگە ءتۇستى، دەپ حابارلايدى infohub.kz.
پروكۋرورلاردىڭ انىقتاۋىنشا، گلەبوۆكا اۋىلىندا سۋمەن جابدىقتاۋ قۇنى نەگىزسىز قىمباتتاتىلعان. تۇرعىندار مەن كاسىپكەرلەر ءبىر تەكشە مەتر ءۇشىن 5،5 مىڭ تەڭگە تولەگەن، بۇل زاڭدا بەلگىلەنگەن دەڭگەيدەن 45 ەسە ارتىق. زاڭ بويىنشا سۋمەن جابدىقتاۋ قىزمەتى سۋبسيديالانۋعا ءتيىس، الايدا تاريف ۋاقىتىندا قايتا قارالماعان.
پروكۋرورلىق تەكسەرۋدەن كەيىن گلەبوۆكا اۋىلىنداعى اۋىز سۋ ءتاريفى سۋبسيديالاناتىندار تىزىمىنە ەنگىزىلدى. بۇل اۋىلدىڭ 430 تۇرعىنىنىڭ، ونىڭ ىشىندە 21 كاسىپكەرلىك سۋبەكتىنىڭ قۇقىعىن قورعاۋعا مۇمكىندىك بەردى. ءتاريفتىڭ تومەندەۋى حالىق پەن بيزنەستىڭ شىعىنىن ايتارلىقتاي ازايتىپ، ومىرلىك ماڭىزدى رەسۋرستى قولجەتىمدى ەتەدى.
دەنيسوۆ اۋدانى پروكۋرورىنىڭ مىندەتىن اتقارۋشى ميراس ميزانبايەۆ اتاپ ءوتتى: «پروكۋرورلىق قاداعالاۋ اكتىسىن قاراۋ ناتيجەسىندە گلەبوۆكا اۋىلىنداعى اۋىز سۋ ءتاريفى سۋبسيديالاناتىندار تىزىمىنە ەنگىزىلدى. قابىلدانعان شارالارمەن اۋىلدىڭ 430 تۇرعىنىنىڭ، ونىڭ ىشىندە 21 كاسىپكەرلىك سۋبەكتىنىڭ قۇقىعى قورعالدى. ءتاريفتىڭ تومەندەۋى حالىق پەن بيزنەستىڭ شىعىنىن ايتارلىقتاي ازايتىپ، ومىرلىك ماڭىزدى رەسۋرستى قولجەتىمدى ەتەدى».