قوستانايدا بالالاردىڭ سۋرەتتەرى جاريالاناتىن Telegram-كانالعا قاتىستى جانجال ءورشىپ تۇر: وقۋشىلاردىڭ اتا-انالارى پوليسياعا جۇگىنىپ، قورلىق پەن پوستتاردى ءوشىرۋ ءۇشىن اقشا تالاپ ەتىلگەنىن مالىمدەدى، دەپ حابارلايدى infohub.kz سايتى.

«31 ارنا» حابارلاعانداي، وقۋشى قىزدىڭ اناسى دانا پەنكوۆسكيح قىزىنىڭ سۋرەتىن «پوزور كوستاناي» Telegram-پابليگىنەن كورىپ، شوشىپ كەتكەن. جاريالانىم تۋرالى ايەلگە قىزدىڭ ءوزى ايتقان.

دانانىڭ ايتۋىنشا، بۇل قالاداعى العاشقى وقيعا ەمەس. قورلىققا تاپ بولعان بالالاردىڭ اتا-انالارى پوليسياعا جۇگىنۋگە بەل بۋدى.

«ءبىزدىڭ قالادا بۇل ءبىرىنشى جاعداي ەمەس، بۇعان دەيىن دە وسىنداي توپتار بولعان، ولار بۇعاتتالادى، ءبىراق چات اكىمشىلەرىن ىزدەمەيدى. ولاردى تاۋىپ، جازالاعانىن قالايمىز، بۇل ءازىل ەمەس، بالالاردىڭ جاعدايى ناشار! ۆيدەو جاريالانعاننان كەيىن بۇكىل قازاقستان بويىنشا ايەلدەردەن جۇزدەگەن حابارلاما كەلىپ جاتىر»، — دەيدى وقۋشى قىزدىڭ اناسى دانا پەنكوۆسكيح.

ونىڭ ايتۋىنشا، پابليك اكىمشىلەرى بۇل جاريالانىمداردى ءوشىرۋ ءۇشىن 10 مىڭ تەڭگە سۇراعان — ولار ەرەسەكتەردى وسى چاتقا قوسۋ ءۇشىن دە سونشا اقشا تالاپ ەتكەن.

پوليسيا بۇل دەرەك بويىنشا تەكسەرۋ جۇرگىزىلىپ جاتقانىن حابارلادى.

«قىزمەتكەرلەر بولعان وقيعانىڭ بارلىق ءمان-جايىن انىقتاپ، قاجەتتى ماتەريالداردى جيناپ، تىركەپ جاتىر، سونداي-اق اتالعان ماتەريالداردى ورنالاستىرۋعا قاتىسى بار ادامداردى انىقتاۋدا. وسىدان كەيىن ولاردىڭ ارەكەتتەرىنە قۇقىقتىق باعا بەرىلەدى»، — دەپ اتاپ ءوتتى قوستاناي قالاسى پوليسيا باسقارماسىنىڭ قوعامدىق قاۋىپسىزدىك ءبولىمىنىڭ باستىعى قايرات داۋرەنبەكوۆ.

ساراپشىلار مۇنداي پابليك اكىمشىلەرىن تابۋ قيىن، ءبىراق نيەت بولسا، مۇمكىن ەكەنىن ايتادى. بالكىم، قىلمىسكەرلەر ەل اۋماعىندا ءتىپتى جوق شىعار، شەتەلدەن ارەكەت ەتىپ جاتقان بولۋى مۇمكىن.

«اشىق كود بار، وندا اركىم بىردەڭە جاساي الادى، بوتتار ويلاپ تابادى جانە ت.ب. جالپى بۇل كەرەمەت، ءبىراق ءتۇسىنۋ كەرەك: كەرەمەت جەردە — ءقاۋىپسىز ەمەس. بالالارمەن ساۋاتتى اڭگىمە جۇرگىزىلمەيىنشە، بۇدان قۇتىلمايمىز»، — دەيدى CYBERBALA جوباسىنىڭ اۆتورى ابىلاي يسين.

الايدا اتا-انالار بىرنەشە ۇيىمداستىرۋشىنى تاۋىپ، كوپشىلىك الدىندا جازالاسا، مۇنداي توپتار ازايادى دەپ ەسەپتەيدى. سونىمەن قاتار، كارتاعا اقشا جىبەرۋ ارقىلى ولار سيفرلىق ءىز قالدىرادى، سول ارقىلى بولماسا دا دەلدالدارعا جەتۋگە بولادى.