يسپانياعا ۇزاق اۆتوكولىك ساپارىنا شىققان جۇڭگو ازاماتتارى جامبىل وبلىسىنىڭ تالاس اۋدانىندا قيىن جاعدايعا تاپ بولدى. تۇندە شەتەلدىكتەر جولدان اداسىپ، كولىكتەرىنىڭ بۇزىلۋىنا تاپ بولدى، دەپ حابارلايدى infohub.kz سايتى.
ساياحاتشىلار جولدان اداسىپ قانا قويماي، دوڭگەلەگىن زاقىمداپ العاندىقتان، ءارى قاراي جۇرە المادى. بەيتانىس تراسسادا كومەكسىز قالعان ولار پوليسياعا جۇگىندى.
«پوليسەيلەر ساياحاتشىلاردىڭ قاۋىپسىزدىگىن قامتاماسىز ەتىپ، ولارعا ىستىق شاي مەن تاماق ۇسىندى. سونىمەن قاتار، ولار ەۆاكۋاتور شاقىرىپ، كولىكتى جاقىن ماڭداعى سەرۆيستىك ورتالىققا جەتكىزۋگە كومەكتەستى»، – دەپ حابارلادى ۆەدومستۆودان.
شەبەرحانادا زاقىمدالعان دوڭگەلەك ءساتتى اۋىستىرىلدى. اۆتوساياحاتشىلاردى جىبەرمەس بۇرىن، ءتارتىپ ساقشىلارى ولاردىڭ ناۆيگاسيالىق باعىتىن تۇزەتىپ، قاجەتتى تراسساعا قالاي شىعۋ كەرەكتىگىن ءتۇسىندىردى.
جۇڭگو ازاماتتارى قازاقستاندىق پوليسەيلەرگە جەدەلدىگى، قوناقجايلىلىعى مەن قامقورلىعى ءۇشىن شىن جۇرەكتەن العىس ءبىلدىرىپ، سودان كەيىن ەۋروپاعا ساپارىن ءساتتى جالعاستىردى.
بۇعان دەيىن قارقارالى مەملەكەتتىك ۇلتتىق پاركىنىڭ كوميسساروۆكا شاتقالى اۋدانىندا قۇتقارۋشىلار 1967 جانە 1963 جىلى تۋعان ەكى ساڭىراۋقۇلاق تەرۋشىنى تاپقان بولاتىن. كۇندىز ولار ساڭىراۋقۇلاق تەرۋگە بارىپ، اداسىپ كەتكەن.