الەۋمەتتىك جەلىلەردە استاناداعى ءبىر مەكتەپتە وقۋشىلاردىڭ اتا-انالارىن شالباردىڭ «دۇرىس ەمەس» ءتۇسى ءۇشىن ايىپپۇلمەن قورقىتقانى تۋرالى اقپارات تارادى. وقيعا وقۋ جىلىنىڭ العاشقى كۇنى، 2026 جىلعى 2 قىركۇيەكتە بولعانى ايتىلادى، دەپ حابارلايدى infohub.kz.
Threads پلاتفورماسىنىڭ qwerty.123.01 اتتى قولدانۋشىسى ءوز بالاسىن قارا شالبار كيگەنى ءۇشىن ۇيگە جىبەرگەنىن جازدى. ونىڭ ايتۋىنشا، بالانىڭ شالبارى قويۋ كوك ەمەس، قارا ءتۇستى بولعان. اۆتوردىڭ سوزىنشە، مەكتەپ ديرەكتورى اتا-اناعا قوڭىراۋ شالىپ: «كەلىڭىز، ايىپپۇل تولەيسىز»، — دەگەن. سونداي-اق، بۇل شالباردى بالا وتكەن جىلى دا كيگەن، ال ديرەكتور سول كۇيىندە قالعانى ايتىلادى.
استانا قالاسى اكىمدىگىنىڭ ءبىلىم باسقارماسى بۇل اقپاراتتى جوققا شىعاردى. ۆەدومستۆونىڭ مالىمەتىنشە، ەلوردانىڭ جالپى ءبىلىم بەرەتىن مەكتەپتەرىندە قارا جانە قويۋ كوك ءتۇستى مەكتەپ فورماسىنا رۇقسات ەتىلگەن. «اتالعان مەكتەپ وقۋشىلارىنىڭ اتا-انالارىنا مەكتەپ فورماسىنىڭ ءتۇسى ءۇشىن ايىپپۇل سالىنادى دەگەن اقپارات شىندىققا سايكەس كەلمەيدى. مەكتەپ اكىمشىلىگىنە پەداگوگتار مەن اتا-انالار اراسىندا ءتۇسىندىرۋ جۇمىستارىن جۇرگىزىپ، مەكتەپ فورماسىنا قويىلاتىن تالاپتاردى بۇرمالاۋعا جول بەرمەۋ تاپسىرىلدى»، — دەپ حابارلادى باسقارمادا.