الماتىدا بريتاندىق مۋزىكانت نيك حادسوننىڭ قاتىسۋىمەن قايىرىمدىلىق كەشى وتەدى. ول Massive Attack، Mogwai جانە Can توبىنىڭ دامo سۋدزۋكيمەن بىرگە جۇمىس ىستەگەنىمەن تانىمال. ءىس-شارا 12 قىركۇيەكتە DUMP بار-كوفەحاناسىندا وتەدى. وندا ءارتىس تبيليسيدە جازىلعان سوڭعى سولدىق البومدارىنداعى اندەرىن ورىندايدى، سونداي-اق الداعى Trees Reign Down، Fire On پلاستينكاسىنداعى ماتەريالدى العاش رەت ۇسىنادى. ونىڭ مۋزىكاسىن فولك-نۋار، اۆتورلىق جانە ەكسپەريمەنتالدى مۋزىكانىڭ قوسپاسى رەتىندە سيپاتتايدى، دەپ حابارلايدى infohub.kz.
مۋزىكالىق بولىمنەن بولەك، قوناقتاردى زاماناۋي ونەردىڭ قايىرىمدىلىق اۋكسيونى كۇتەدى. وعان ءوز تۋىندىلارىن حادسوننىڭ ءوزى، سونداي-اق يلياس Actk ساربەكوۆ، Repas كومانداسىنىڭ سۋرەتشىلەرى، لەونيد حان، رومان زاحاروۆ، اسحات احمەدياروۆ، ارىستانبەك شالبايەۆ، مەرۋەرت قۇناقوۆا، ارۋجان جۇمابەك جانە ايگەرىم وسپان ۇسىندى.
جينالعان بارلىق قاراجات ۋنيۆەرسيتەتتە 20 جىلدان استام فيزيكالىق گەوگرافيادان ساباق بەرگەن ايدار ءجۇمادىلوۆتىڭ وتباسىنا بەرىلەدى. وسى قىستا وعان وكپەنىڭ IV ساتىسىنداعى قاتەرلى ىسىگى دياگنوزى قويىلدى. ءقازىر وعان ۇزاق مەرزىمدى ىسىككە قارسى تەراپيا قاجەت، ال قىمبات دارى-دارمەكتەردىڭ ءبىر بولىگىن مەملەكەت بەرمەيدى.
«ەمدەۋ قۇنى جىلىنا شامامەن $75 مىڭدى (34 ملن تەڭگە) قۇرايدى — بۇل سومانى وتباسى ءوز كۇشىمەن كوتەرە المايدى. ايداردىڭ ۇلى — ءبىزدىڭ دوسىمىز ءارى DUMP كومانداسىنىڭ مۇشەسى. سوندىقتان ءبىز ەڭ جاقسى ىستەي الاتىن نارسەنى جاساۋدى ءجون كوردىك: اينالامىزعا ادامداردى، مۋزىكانى جانە ونەردى جيناپ، ءبىر كەشتى ناقتى كومەككە اينالدىرۋ»، — دەپ حابارلادى Dump Coffee&Bar.
كەش ساعات 19:00-دە گوگول كوشەسى، 40 مەكەنجايىندا، ARTيشوك تەاترىنىڭ ءبىرىنشى قاباتىندا باستالادى. كىرۋ تەگىن، قوناقتار قايىرىمدىلىق جاساي الادى. سونداي-اق الاڭدا كەش بويى بار جۇمىس ىستەيدى.