قازاقستاندا جەكە نوتاريۋستار قىزمەتىن رەتتەۋدە اۋقىمدى وزگەرىستەر كۇشىنە ەنەدى. رەفورما زاڭناماداعى ولقىلىقتاردى جويۋعا جانە نوتاريات سالاسىن تولىق سيفرلىق فورماتقا كوشىرۋگە باعىتتالعان، دەپ حابارلايدى infohub.kz سايتى.
جاڭا ەرەجەلەرگە سايكەس، ادىلەت مينيسترلىگى جانە ونىڭ اۋماقتىق بولىمشەلەرى جەكە نوتاريۋستار مەن نوتارياتتىق پالاتالارعا جوسپارلى جانە جوسپاردان تىس تەكسەرۋلەر جۇرگىزۋگە رەسمي وكىلەتتىك الادى. نەگىزگى جاڭاشىلدىق — ەلەكتروندىق سيفرلىق قولتاڭبانى (ەسق) كومەكشىگە نەمەسە باسقا ءۇشىنشى تۇلعالارعا بەرگەنى ءۇشىن ليسەنزيادان دەرەۋ ايىرۋ. ازاماتتاردىڭ دەربەس دەرەكتەرىنىڭ جاريا بولۋى، سونداي-اق مامىلەلەر تۋرالى اقپاراتتى ءبىرىڭعاي دەرەكقورعا ەنگىزۋدە جۇيەلى كىدىرىستەر ءۇشىن دە وسىنداي سانكسيالار قاراستىرىلعان.
سونىمەن قاتار، ەلىمىزدە «نوتارياتتىق سيفرلىق ارحيۆ» جانە اتقارۋشىلىق جازبالاردى اۆتوماتتى تۇردە ءبولۋ جۇيەسى سياقتى ەكى ماڭىزدى سيفرلىق جوبا ىسكە قوسىلادى. ەكىنشى مەحانيزم ناقتى ءىس بويىنشا نوتاريۋستى تاڭداۋ كەزدەيسوق تۇردە جۇزەگە اسىرىلاتىنىن كوزدەيدى، بۇل ءسوز بايلاسۋ نەمەسە ادىلەتسىزدىك مۇمكىندىگىن جويادى.
بارلىق ەلەكتروندىق قۇجاتتار ەندى سيفرلىق جۇيەدە مەرزىمسىز ساقتالادى. نوتاريۋستىڭ ليسەنزياسى توقتاتىلعان نەمەسە كۇشى جويىلعان جاعدايدا، ونىڭ مۇراعاتى دەرەۋ الىنىپ، جۇمىستىڭ ۇزدىكسىزدىگىن قامتاماسىز ەتۋ ءۇشىن باسقا مامانعا بەرىلەدى.
بۇدان باسقا، نوتارياتتىق پالاتالاردىڭ باسشىلارىنا شەكتەۋلەر ەنگىزىلدى: ەندى تارتىپتىك كوميسسيالاردى ءتورت جىل مەرزىمگە ءبىر رەت قانا باسقارۋعا رۇقسات ەتىلەدى.
ايتا كەتۋ كەرەك، بۇعان دەيىن بۇرىنعى دەپۋتات باقىتجان بازاربەك نوتاريات قاۋىمداستىعى وكىلدەرىن بۇزۋشىلاردى «اقتاۋعا» تىرىستى دەپ ايىپتاعان بولاتىن. ءوز كەزەگىندە، رەسپۋبليكالىق نوتارياتتىق پالاتانىڭ ءتوراعاسى ولەگ پولۋموردۆينوۆ باس پروكۋراتۋرانىڭ ۇسىنۋىنان كەيىن كەيبىر نوتاريۋستار ليسەنزياسىنان ايىرىلعانىن مويىندادى.